ايەلى مەن بالالارىن كۇشتەپ قۋىپ شىققان ەكس-اكىمنىڭ اعاسى مارات ايتەنوۆتىڭ ءۇيىنىڭ يەسى رەتىندە دوسى تىركەلگەن.
جوعارعى سوت مارات ايتەنوۆتىڭ بۇرىنعى ايەلى دانا اتەشوۆانىڭ بۇرىنعى كۇيەۋى بالا-شاعاسىمەن سۇيرەپ قۋىپ شىققان ءۇيدى ەرلى-زايىپتىنىڭ ورتاق مەنشىگى دەپ تانۋ تۋرالى ءوتىنىشىن قارادى، دەپ حابارلايدى aqshamnews.kz
دانا اتەشوۆانىڭ سوزىنشە، ءۇي يەسى رەتىندە ءقازىر مارات ايتەنوۆتىڭ دوسى تىركەلگەن، سوندىقتان بىرنەشە جىل بويى مۇلىكتى ءبولۋ ەش ناتيجە بەرمەگەن.
اتەشوۆا ءۇي نەكە كەزىندە ەرلى-زايىپتىنىڭ ورتاق قاراجاتىنا ساتىپ الىنعانىن ايتادى. الايدا استانا قالاسىنىڭ ازاماتتىق ىستەر جونىندەگى اۋدانارالىق سوتى مەن ازاماتتىق ىستەر جونىندەگى سوت القاسى بۇل مالىمدەمەلەردى مويىندامادى.
جوعارعى سوتتىڭ سۋدياسى قۋانىشبايەۆا دا ءىستىڭ بارلىق ماتەريالدارىن زەردەلەي كەلە، مۇلىك مارات ايتەنوۆ پەن دانا اتەشوۆانىڭ نەكەسىنە دەيىن الىنعانىن انىقتاپ، اتەشوۆانىڭ ءوتىنىشىن قاراۋدان باس تارتتى.