قالاداعى ءبىر قىزمەتشى دەپارتامەنتكە ءىسساپار شىعىندارىنىڭ وتەلمەۋى تۋرالى شاعىممەن جۇگىندى. اتالعان شاعىم بويىنشا دەپارتامەنت مەملەكەتتىك ەڭبەك ينسپەكتورىن تارتا وتىرىپ، تەكسەرۋ جۇرگىزدى. ايتا كەتۋ كەرەك، تەكسەرۋ اعىمداعى جىلدىڭ ماۋسىم ايىنان باستاپ قولدانىسقا ەنگىزىلگەن مەملەكەتتىك قىزمەت سالاسىنداعى زاڭنامانىڭ ساقتالۋىن باقىلاۋدىڭ جاڭا ءتارتىبى بويىنشا جۇرگىزىلدى، دەپ حابارلايدى aqshamnews.kz.
تەكسەرۋ بارىسىندا قولدانىستاعى زاڭنامادا بەلگىلەنگەن مەملەكەتتىك قىزمەتشىنىڭ قۇقىقتارىنىڭ ورەسكەل بۇزىلعانى انىقتالدى. 40 كۇنگە باسقا قالاعا ءىسساپارعا جىبەرىلگەن قىزمەتكەرگە جول ءجۇرۋ جانە تۇرعىن ءۇي جالداۋ شىعىندارى تولەنبەگەن. ال قازاقستان رەسپۋبليكاسىنىڭ «مەملەكەتتىك قىزمەت تۋرالى» زاڭىنىڭ 57-بابىنا سايكەس، مەملەكەتتىك قىزمەتشىلەرگە قىزمەتتىك ءىسساپارلار شىعىندارى، ونىڭ ىشىندە شەتەلدىك ءىسساپارلار شىعىندارى دا قازاقستان رەسپۋبليكاسى ۇكىمەتى ايقىندايتىن تارتىپپەن وتەلەدى. مەملەكەتتىك قىزمەتشىلەرگە زاڭنامادا كوزدەلگەن كەپىلدىكتەر جانە ءىسساپاردا بولعان ۋاقىتقا تاۋلىكتىك تولەمدەر، بارۋ جانە قايتۋ جول ءجۇرۋ شىعىندارى، تۇرعىن ءۇي جالداۋ شىعىندارىن الۋ قۇقىعى قولدانىلادى.
جۇرگىزىلگەن تەكسەرۋ ناتيجەسىندە دەپارتامەنت انىقتالعان زاڭ بۇزۋشىلىقتاردى جويۋ جانە مەملەكەتتىك قىزمەتشىنىڭ بۇزىلعان قۇقىقتارى مەن كەپىلدىكتەرىن قالپىنا كەلتىرۋ تۋرالى ۇسىنىس ەنگىزدى. ناتيجەسىندە، ۇسىنىس قارالىپ، مەملەكەتتىك قىزمەتشىنىڭ قۇقىقتارى قالپىنا كەلتىرىلىپ، ءىسساپار شىعىندارى 745 784 تەڭگە كولەمىندە تولەندى.
قىزمەتشىلەردىڭ قۇقىقتارىن قورعاۋ بويىنشا وسىنداي مىسالدار كوپ. دەپارتامەنت الداعى ۋاقىتتا دا مەملەكەتتىك قىزمەتشىلەردىڭ قۇقىقتارىن قورعاۋ جانە قالپىنا كەلتىرۋ باعىتىنداعى جۇمىسىن جالعاستىرادى.
الماتى قالاسى بويىنشا ق ر مەملەكەتتىك قىزمەت ىستەرى اگەنتتىگىنىڭ دەپارتامەنتىنىڭ باس مامانى — لاۋرا نۇرگەلدى قىزى ناۋقانباي