ءۇي جانۋارلارىن ەسەپكە الۋ ەرەجەلەرى 2023 جىلدىڭ 1 قىركۇيەگىنەن باستاپ كۇشىنە ەنەدى. ونىڭ نەگىزىندە يتتەر مەن مىسىقتاردى مىندەتتى ەسەپكە الۋ كوزدەلگەن، دەپ حابارلايدى Almaty-akshamy.kz Zakon.kz-كە سىلتەمە جاساپ.
ءۇي جانۋارلارىن ەسەپكە الۋعا قاتىستى ەكولوگيا جانە تابيعي رەسۋرستار مينيسترلىگى اقپارات بەردى.
«زاڭنىڭ 11-بابىنىڭ 2-تارماعىنا سايكەس ءۇي جانۋارلارىن ەسەپكە الۋدى جەرگىلىكتى اتقارۋشى ورگاندار (جاو) قۇرعان مەملەكەتتىك ۆەتەريناريالىق ۇيىمدار، ۆەتەريناريا سالاسىندا ەمدەۋ-پروفيلاكتيكالىق كاسىپكەرلىك قىزمەتتى جۇزەگە اسىراتىن جەكە نەمەسە مەملەكەتتىك ەمەس زاڭدى تۇلعالار جۇزەگە اسىرادى. بۇل رەتتە جەرگىلىكتى اتقارۋشى ورگان مەملەكەتتىك ساتىپ الۋ تۋرالى زاڭناماعا سايكەس جانۋارلاردى ەسەپكە الۋ جونىندەگى اقپاراتتىق جۇيەنى دەربەس ايقىندايدى. سوندىقتان دەرەكتەر بازاسىنىڭ فۋنكسيونالىن پىسىقتاۋ ماسەلەلەرى بويىنشا ازاماتتار جەرگىلىكتى اكىمدىككە جۇگىنۋگە قۇقىلى»، - دەپ جازىلعان.ەكولوگيا جانە تابيعي رەسۋرستار مينيسترلىگىنىڭ حابارلاماسىندا.
سونىمەن قاتار زاڭناماعا سايكەس جانۋاردىڭ يەسى نەمەسە وعان جاۋاپتى تۇلعا ەسەپكە الۋ بۇيىمىن (قۇرالىن) دەربەس ايقىندايدى، بۇل رەتتە ءۇي جانۋارلارىن ەسەپكە الۋ بۇيىمدارىنا (قۇرالدارىنا) بوليۋستەر، چيپتەر جانە باسقا دا بۇيىمدار (قۇرالدار) جاتادى.
ەسەپكە الۋ نورمالارىن بۇزعانى ءۇشىن «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 407-2-بابىندا ءتيىستى ايىپپۇل كوزدەلگەن.