يراننىڭ وڭتۇستىك احۆاز قالاسىندا اۋا تەمپەراتۋراسى سەلسيي شكالاسى بويىنشا 51 گرادۋسقا جەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
اپتاپ ىستىق سالدارىنان ەلدە ەكى كۇندىك كارانتين جاريالاندى. بۇرىن-سوڭدى تىركەلمەگەن مۇنداي جوعارى تەمپەراتۋرا وڭتۇستىكتەگى بىرنەشە قالادا بايقالدى. جەرگىلىكتى بيلىك تۇرعىنداردان ۇيدە قالۋدى سۇرادى. ال دەنساۋلىق ساقتاۋ مينيسترلىگى اۋرۋحانالاردى توتەنشە جاعدايعا دايىنداپ جاتىر. ەل استاناسى تەگەراندا تەمپەراتۋرا 39 گرادۋسقا جەتكەن. ايتا كەتەرلىگى، سوڭعى اپتادا مۇنداي جاعداي جەر شارىنىڭ كوپ بولىگىندە تىركەلدى. عالىمدار ونى انتروپوگەندىك كليماتتىڭ وزگەرۋىمەن بايلانىستىرادى.