گرانتتىڭ مولشەرى – 400 اەك نەمەسە 1 572 800 تەڭگە.
ءبىرىنشى لەكتە 4 500 ادامدى قامتۋ كوزدەلىپ وتىر، دەپ حابارلايدى aqshamnews.kz
21 مامىردان باستاپ Business.enbek.kz پورتالىندا جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتتارعا ءوتىنىم قابىلداۋ باستالادى.
گرانتقا كەلەسى ازاماتتار ۇمىتكەر بولا الادى:
– جۇمىسسىز رەتىندە تىركەلگەن تۇلعالار؛
– جەكە كاسىپكەر رەتىندە تىركەلگەنىنە ءۇش جىلدان اسپاعان كاسىپكەرلەر.
سونىمەن بىرگە ۇمىتكەر الەۋمەتتىك وسال توپتاردىڭ بىرىنە جاتۋى ءتيىس (مۇگەدەكتىگى بار ازاماتتار، كوپبالالى وتباسىلار، قانداستار جانە ت.ب.) جانە سوڭعى ءۇش جىل ىشىندە «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىپ، سەرتيفيكات الۋى قاجەت.
ءوتىنىم بەرۋ تولىقتاي ەلەكتروندى تۇردە جۇزەگە اسىرىلادى: پورتالدا تىركەلۋ، بيزنەس-جوسپاردى تولتىرۋ جانە ەسق ارقىلى راستاۋ قاجەت.
گرانت قاراجاتىن بيزنەسكە قاجەتتى قۇرال-جابدىق، مال، كوشەت، تەحنولوگيالار ساتىپ الۋعا جانە ورىن-جاي جالداۋعا پايدالانۋعا بولادى.