BRAVE Kombat فەدەراسياسىنىڭ ۇزدىك سپورتشىسى
Zulfikhar لاقاپ اتىمەن تانىمال اسۋ المابايەۆ UFC-مەن كەلىسىمشارتقا وتىردى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇل تۋرالى Dark Team كومانداسىنىڭ PR-مەنەدجەرى مالىمدەدى.
ەڭ ءىرى مما-پروموۋشەندە المابايەۆ ەڭ جەڭىل سالماقتا ونەر كورسەتەدى. قازىرگى ۋاقىتتا بۇل ديۆيزيوننىڭ UFC چەمپيونى مەكسيكالىق فايتەر برەندون مورەنو (21-6-2) بولىپ تابىلادى. رەيتينگتەگى ءبىرىنشى جانە ەكىنشى ورىندى قوس برازيليالىق يەلەنگەن: ديەۆيسون فيگەيرەدۋ (21-3-1) جانە الەشاندرا پانتوجا (25-5).
29 جاستاعى المابايەۆتىڭ ەسەبىندە 16 جەڭىس جانە ارالاس جەكپە-جەكتە ءبىر جەڭىلىسى بار. 2022 جىلى BRAVE Kombat فەدەراسياسىنىڭ ۇزدىك سپورتشىسى اتانعان.