ەڭبەك جانە حالىقتى الەۋمەتتىك قورعاۋ مينيسترلىگىندە «سىبايلاس جەمقورلىققا قارسى ءىس-قيمىل تۋرالى» زاڭعا سايكەس، سىبايلاس جەمقورلىق تاۋەكەلدەرىنە ىشكى تالداۋ باستالدى، دەپ حابارلايدى Almaty-akshamy.kz.
ۆەدومستۆونىڭ قۇرىلىمدىق بولىمشەلەرىنىڭ نورماتيۆتىك-قۇقىقتىق اكتىلەرى مەن ۇيىمدىق-باسقارۋ قىزمەتى تالدانادى. تەكسەرۋ ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن بەكىتىلگەن كەستەگە سايكەس جۇرگىزىلەدى.
اتقارىلعان جۇمىستىڭ قورىتىندىسى بويىنشا سىبايلاس جەمقورلىق تاۋەكەلدەرىنە ىشكى تالداۋ جۇرگىزۋگە ۋاكىلەتتى ادامدار تالداۋ انىقتاماسىن دايىندايدى، ونىڭ نەگىزىندە سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋ جونىندە شارالار قابىلداناتىن بولادى.