ۇەۇ-عا ارنالعان مەملەكەتتىك گرانتتاردىڭ گرانتالۋشىلارى انىقتالدى

ۇكىمەتتىك ەمەس ۇيىمداردان 358 ءوتىنىم كەلىپ تۇسكەن.

قازاقستانداعى 155 ۇكىمەتتىك ەمەس ۇيىمدار مەملەكەتتىك گرانت الۋ ماقساتىندا ءوز وتىنىمدەرىن بەردى، دەپ حابارلادى Almaty-akshamy.kz.

«اعىمداعى جىلى 10 قاڭتار مەن 7 اقپان ارالىعىندا گرانتتار بويىنشا  وتىنىمدەر قابىلداۋ جۇزەگە اسىرىلدى. ۇەۇ ءۇشىن مەملەكەتتىك گرانتتار بەرۋ كونكۋرسىنا قاتىسۋعا 358 ءوتىنىم كەلىپ ءتۇستى، ونىڭ ىشىندە 155 ۇەۇ-دان 281 ءوتىنىم تاۋەلسىز ساراپتاما كوميسسياسىنىڭ قاراۋىنا جىبەرىلدى»، - دەلىنگەن اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.

ءوز كەزەگىندە، گرانتتىق قارجىلاندىرۋ سالاسىنداعى وپەراتور («ازاماتتىق باستامالاردى قولداۋ ورتالىعى ورتالىعى» كەاق) 2021 جىلى قىزمەتىنىڭ تيىمدىلىگى مەن ساراپشىلاردىڭ ساپالىق قۇرامىن ارتتىرۋ ماقساتىندا ءماجىلىس دەپۋتاتتارى، قوعام قايراتكەرلەرى مەن اكادەميالىق قىزمەتكەرلەر قاتارىنان گرانتتار بەرۋ قاعيدالارىنىڭ جاڭا تالاپتارىن ەسكەرە وتىرىپ، ساراپشىلار ءتىزىلىمىن قالىپتاستىردى. ساراپشىلار ءتىزىلىمىنىڭ قۇرامىنداعى ساراپشىلار سانى 15-تەن 62 ادامعا دەيىن ارتتى. مەملەكەتتىك جانە ورىس تىلدەرىن مەڭگەرگەن ساراپشىلاردىڭ ۇلەسى 90% استى.

ساراپتاما كوميسسياسىندا تۇرعان بارلىق ساراپشىلاردىڭ بىلىكتىلىگى گرانتتىق قارجىلاندىرۋ سالاسىنداعى قولدانىستاعى زاڭنامانىڭ تالاپتارىنا سايكەس كەلەدى.

مەملەكەتتىك گرانتتار بەرۋگە ارنالعان كونكۋرس شەڭبەرىندە اعىمداعى جىلدىڭ 24 قاڭتارىندا 15 باعىت بويىنشا ساراپشىلار تىزىلىمىنەن كەزدەيسوق ىرىكتەۋ ادىسىمەن كونكۋرستىق كوميسسيانىڭ ساراپشىلارىن ىرىكتەۋ وتكىزىلدى. ساراپشىلاردى ىرىكتەۋ وپەراتوردىڭ الەۋمەتتىك جەلىلەرىندە تىكەلەي ەفيردە كورسەتىلدى. كەزدەيسوق ىرىكتەۋ قورىتىندىسى بويىنشا تىزىلىمدە تۇرعان 62 ساراپشىدان نەگىزگى قۇرامعا 25 ساراپشى ىرىكتەلدى.