قازاقستان رەسپۋبليكاسى مادەنيەت جانە اقپارات مينيسترلىگى مەن ءبىرىڭعاي گرانت وپەراتورى 2025 جىلعا ارنالعان ۇكىمەتتىك ەمەس ۇيىمدارعا گرانت بەرۋ بايقاۋىن جاريالادى.
بايقاۋدىڭ ماقساتى – ازاماتتىق باستامالاردى قولداۋ جانە ازاماتتىق قوعام ينستيتۋتتارىن الەۋمەتتىك سالاداعى وزەكتى ماسەلەلەردى شەشۋگە تارتۋ، دەپ حابارلايدى aqshamnews.kz.
بايقاۋ اياسىندا ۇەۇ بىرنەشە باسىم باعىتتار بويىنشا جوبالاردى ۇسىنا الادى:
- ينكليۋزيۆتى قوعامدى دامىتۋ؛
- اۋىلداعى ازاماتتىق باستامالاردى دامىتۋ؛
- ازاماتتاردىڭ قۇقىقتارىن قورعاۋ جانە قوعامداعى قۇقىقتىق مادەنيەتتى ارتتىرۋ جونىندەگى شارالار مەن ءىس-شارالاردى ۇيىمداستىرۋ؛
- توتەنشە جاعدايلارداعى جانە تج سالدارىن جويۋداعى ۆولونتەرلىكتى دامىتۋ؛
- «تازا قازاقستان» اكسياسى اياسىندا ەكولوگيالىق ۆولونتەرلىكتى دامىتۋ؛
- مەديسينا سالاسىنداعى ۆولونتەرلىكتى دامىتۋ؛
- تاريح جانە مادەنيەت سالاسىنداعى ۆولونتەرلىكتى دامىتۋ؛
- الەۋمەتتىك ۆولونتەرلىكتى دامىتۋ؛
- زووۆولونتەرلىكتى دامىتۋ.
تولىق اقپارات پەن قۇجاتتامانى cisc.kz سايتىنان قاراۋعا بولادى.