2021 جىلعى قاڭتار-مامىرداعى ق ر الەۋمەتتىك-ەكونوميكالىق دامۋى قارقىن الۋدا.
بۇگىن پرەمەر-مينيستر اسقار ءماميننىڭ توراعالىعىمەن وتكىزىلگەن ۇكىمەت وتىرىسىندا ۇلتتىق ەكونوميكا ءمينيسترى اسەت ەرعالييەۆ 2021 جىلعى قاڭتار-مامىرداعى ق ر الەۋمەتتىك-ەكونوميكالىق دامۋ قورىتىندىلارى تۋرالى باياندادى، دەپ حابارلادى Almaty-akshamy.kz. ق ر ەكونوميكا مينيسترلىگىنىڭ سايتىنا سىلتەمە جاساپ.
«اعىمداعى جىلعى قاڭتار-مامىردا ەكونوميكانى قالپىنا كەلتىرۋدەگى ءوسۋ 1،6%-كە جەدەلدەدى. اعىمداعى جىلعى 5 ايدا تاۋ-كەن ءوندىرۋ ونەركاسىبىن ەسەپكە الماعاندا، ناقتى سەكتورداعى ءوسىم 7،4%ء-تى قۇرادى»، - دەدى ءا.ەرعالييەۆ.
قىزمەت كورسەتۋ سەكتورىن جانداندىرۋ جالعاسۋدا، ەكونوميكانىڭ وندىرمەيتىن سالالارىندا جوعارى ينۆەستيسيالىق بەلسەندىلىك ساقتالۋدا. ىشكى سۇرانىستىڭ تۇراقتانۋى اياسىندا قىزمەت كورسەتۋ سالاسىنىڭ ءوسۋى 0،8%-كە جەدەلدەدى.
سونداي-اق ءوسۋ قارقىنى ماشينا جاساۋدا - 21،1%، اۆتوموبيل جاساۋدا - 26،4%، فارماسيەۆتيكادا - 25،7%، قۇرىلىس ماتەريالدارى وندىرىسىندە - 21،4%، كيىم - كەشەك وندىرىسىندە-19،3%، جيھاز جاساۋدا-18،2% جانە پلاستماسسا بۇيىمدارى وندىرىسىندە-17،3%-كە ارتتى.
ينۆەستيسياعا كەلسەك، تاۋ-كەن ونەركاسىبىن ەسەپكە الماعاندا، نەگىزگى كاپيتالعا سالىنعان ينۆەستيسيانىڭ ءوسۋى 25،5%ء-تى قۇرادى. ەڭ جوعارى كورسەتكىشتەر قۇرىلىستا - 2،3 ەسە، وڭدەۋ ونەركاسىبىندە - 82%، اقپارات جانە بايلانىس سالاسىندا-53%-كە بايقالادى.
ۇەم باسشىسى حابارلاعانداي، قاڭتار-ساۋىردە سىرتقى ساۋدا تاۋار اينالىمى 28،1 ملرد دوللاردى قۇرادى، ونىڭ ىشىندە ەكسپورت – 16،7 ملرد دوللار. بۇل رەتتە وڭدەلگەن تاۋارلار ەكسپورتى 16،2%-كە 5،4 ملرد دوللارعا دەيىن ءوستى، تاۋارلار يمپورتى 11،4 ملرد دوللاردى قۇرادى. وسىلايشا، 5،3 ملرد دوللار دەڭگەيىندە وڭ ساۋدا بالانسى قامتاماسىز ەتىلدى.
2021 جىلعى 5 ايدا ورىندالعان قۇرىلىس جۇمىسى كولەمى 11،3%-كە ءوستى. 4،6 ملن شارشى مەتر تۇرعىن ءۇي پايدالانۋعا بەرىلدى. بۇل وتكەن جىلعى سايكەس كەزەڭمەن سالىستىرعاندا 12،5%-كە جوعارى. بۇدان باسقا، اۋىل شارۋاشىلىعى كولەمى 3،1%-كە ءوستى.
ۇەم باسشىسى ەلدىڭ ماكروەكونوميكالىق تۇراقتىلىعىن ساقتاۋ ءۇشىن ورتالىق جانە جەرگىلىكتى اتقارۋشى ورگاندار ينۆەستيسيالىق جوبالار پۋلى شەڭبەرىندەگى جوبالاردى بەلسەندى ىسكە اسىرۋعا، كاسىپكەرلەردى قولداۋ قۇرالدارىن ءتيىمدى ىسكە اسىرۋدى قامتاماسىز ەتۋگە نازار اۋدارۋى قاجەت ەكەنىن اتاپ ءوتتى. سونداي-اق ساتىپ الۋلاردا قازاقستاندىق قامتۋ ۇلەسىن ۇلعايتۋ، «ەڭبەك» جانە «جۇمىسپەن قامتۋدىڭ جول كارتاسى» باعدارلامالارى شەڭبەرىندە جوبالاردى ىسكە اسىرۋ، تۇتىنۋ تاۋارلارى باعالارىنىڭ سەرپىندى مونيتورينگى جانە ءتيىستى تۇراقتاندىرۋ شارالارىن قابىلداۋ شارالارىن كۇشەيتۋ قاجەت.