ۇلتتىق قاۋىپسىزدىك كوميتەتىنىڭ قىزىلوردا جانە شىعىس قازاقستان وبلىستارى بويىنشا دەپارتامەنتتەرى پروكۋراتۋرا ورگاندارىمەن ءوزارا ءىس-قيمىل جاساي وتىرىپ، وڭىرلەردە ۇلتتىق ءبىرىڭعاي تەستىلەۋدى (ۇبت) جانە پەداگوگتەردىڭ ءبىلىمىن باعالاۋدى (پبب) جۇرگىزۋگە جاۋاپتى ۇيىمنىڭ جەكە قىزمەتكەرلەرىنىڭ تەستىلەۋ پروسەسىنە زاڭسىز ارالاسۋ ارەكەتىن تىيدى، دەپ حابارلايدى Almaty-akshamy.kz.
كوميتەتتىڭ باسپا ءسوز قىزمەتى تاراتقان مالىمەت بويىنشا، كۇدىكتىلەر ارنايى باعدارلامالاردى قولدانۋ ارقىلى تالاپكەرلەر مەن پەداگوگتاردىڭ قىزىعۋشىلىق تانىتقان كومپيۋتەرلەرىنە قاشىقتان قوسىلعان. ءسويتىپ، اقشالاي سىياقى ءۇشىن ولارعا تەستتەن جوعارى ناتيجەلەر الۋعا جاردەم كورسەتكەن.
«19 شىلدەدە 3 نەگىزگى كۇدىكتى ۇستالدى. ءتىنتۋ بارىسىندا قاشىقتان قوسىلۋدى قامتاماسىز ەتەتىن تەحنيكالىق قۇرىلعىلار مەن باعدارلامالار، اقشالاي قاراجات جانە وزگە دە زاتتاي دالەلدەمەلەر تاركىلەندى.قازاقستان رەسپۋبليكاسى قىلمىستىق كودەكسىنىڭ 207 «اقپاراتتىق جۇيەنىڭ نەمەسە تەلەكوممۋنيكاسيالار جەلىسىنىڭ جۇمىسىن بۇزۋ») جانە 210 باپتارى («زيان كەلتىرەتىن كومپيۋتەرلىك باعدارلامالار مەن باعدارلامالىق ونىمدەردى جاساۋ، پايدالانۋ نەمەسە تاراتۋ») بويىنشا سوتقا دەيىنگى تەكسەرۋ جۇمىسى باستالدى. قىلمىستىق-پروسەستىك كودەكستىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتىلمەيدى»، - دەپ جازىلعان حابارلامادا.
ايتا كەتەيىك، 2022 جىلى ۇلتتىق قاۋىپسىزدىك كوميتەتى وسىعان ۇقساس قىلمىستار جاساعانى ءۇشىن 6 ادامدى قىلمىستىق جاۋاپكەرشىلىككە تارتتى.