ۇبت تاپسىرۋشىلاردى ەندى ەكى كامەرا باقىلايتىن بولادى

بعم ءمينيسترى ۇبت تاپسىرۋ كەزىندە قولدانىلاتىن جاڭا تەتىكتى اتادى

بيىل ۇلتتىق ءبىرىڭعاي تەست كەزىندە تالاپكەردىڭ سىناق تاپسىرۋ بارىسىن 2 كامەرا قاداعالايتىن بولادى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«بۇل - بىزدە جىل سايىن ءداستۇرلى فورماتتا وتكىزىلەتىن تەستىلەۋ. بيىل ونى اقپان ايىنىڭ سوڭىنا دەيىن جالعاستىرامىز. ءوتىنىش بىلدىرگەن بارلىق ازامات وسى تەستىنى تاپسىرىپ ۇلگەرۋى كەرەك. بۇل مىندەتتى گرانتتى الۋعا باعىتتالعان تەست ەمەس. مۇنى كەيبىر ازاماتتارىمىز دايىندىق رەتىندە قارايدى. باسقالارى جوعارى وقۋ ورىندارىنا اقىلى تۇردە ءتۇسۋ ءۇشىن تاڭدايدى، وعان سەرتيفيكاتى جارامدى. قالاي دەسەك تە، بۇل تەستىلەۋ تۇلەكتەرىمىز ءۇشىن ماڭىزدى. سوندىقتان وسى جۇمىستى ءتيىستى دەڭگەيدە جۇرگىزۋىمىز كەرەك»، - دەدى اسحات ايماعامبەتوۆ مينيسترلىكتىڭ اپپارات جينالىسىندا.

سونىمەن قاتار ول بيىل ۇلتتىق ءبىرىڭعاي تەستىلەۋ بارىسىندا قولدانىلاتىن جاڭا تەتىك جايىندا ايتتى.

«ۇلتتىق ءبىرىڭعاي تەستىلەۋدى بيىل دا ەلەكتروندى فورماتتا وتكىزۋىمىز قاجەت. اشىقتىقتى، ادىلدىكتى قامتاماسىز ەتۋ - باستى مىندەتتىڭ ءبىرى. بيىل جاڭا تەتىكتەر دە ەنگىزىلەدى. ونىڭ ىشىندە قوسىمشا كامەرا بولادى. ياعني، ەندى ءبىر كامەرا ەمەس، 2 كامەرا ءبىر تەست تاپسىرۋشىعا ارنالىپ قويىلادى. ءبىر كامەرا تالاپكەردىڭ تەست تاپسىرۋ بارىسىن قاداعالاسا، ەكىنشى كامەرا سول ادامنىڭ ءوزى وتىرعان-وتىرماعانىن بەلگىلەنگەن ۋاقىتتىڭ ىشىندە سۋرەتكە ءتۇسىرىپ، تىركەيدى. تەستىلەۋدىڭ باسىنان اياعىنا دەيىن باسقا ادام ەمەس تەستى تاپسىرۋشىنىڭ ءوزى وتىرعانىن باقىلايدى. Fist Id فۋنكسياسى بار ارناۋلى كامەرا بولادى. سوندىقتان وسى جوسپارلاردى ءتيىستى دەڭگەيدە ورىنداۋ قاجەت»، - دەدى مينيستر.