وقۋ باعدارلاماسىنىڭ ماقساتتارىن قايتا قاراۋ ماسەلەسى دە كوتەرىلگەن.
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەڭ باستى ماسەلە وسى ەكى ءپاننىڭ (قازاق ءتىلى مەن ادەبيەتى) وقۋ باعدارلاماسىن جاڭارتۋ بولاتىن. ولاردىڭ وقۋ باعدارلاماسىن مىندەتتى تۇردە جاڭارتۋىمىز كەرەك. جينالىسقا (قازاق ءتىلى جانە ادەبيەتى ءپانى مۇعالىمدەرى سەزى) كەلگەن بارلىق ءمۇعالىمنىڭ كوتەرگەن ماسەلەسى دە وسى. قازاق ادەبيەتىنىڭ مازمۇنى بولسىن، قازاق ءتىلى ءپانىنىڭ مازمۇنى بولسىن، ارينە ءبىراز جەتىلدىرەتىن ماسەلە بار. سوندىقتان جۇمىس توبىنىڭ وتىرىستارىندا ايتىلعان بۇكىل ماسەلە شەشىمىن تابۋى كەرەك. ونىڭ ىشىندە وقۋ باعدارلاماسىنىڭ ماقساتتارىن قايتا قاراۋ ماسەلەسى دە كوتەرىلگەن ەدى. وقىتىلاتىن شىعارمالار، گرامماتيكالاۋ جۇيەسى، جاس ەرەكشەلىكتەرىن ەسكەرۋ جانە باسقا دا ماسەلەلەردى ارىپتەستەرىمىز كوتەردى. سول سەبەپتى وسى پروبلەمالاردى شەشۋدى ءارى قاراي جالعاستىرۋ كەرەك. مۇنى وسى جىلى مىندەتتى تۇردە تولىق شەشۋىمىز قاجەت»، - دەدى ايماعامبەتوۆ ءبىلىم مينيسترلىگىنىڭ اپپارات جينالىسىندا.
ءمينيستردىڭ ايتۋىنشا، سەزد بارىسىندا باسقا دا ماسەلەلەر كوتەرىلدى. ول ماسەلەلەر دە ۋاقىتى كەلگەندە جان-جاقتى پىسىقتالاتىن بولادى.