ۇلتتىق ءبىرىڭعاي تەستىلەۋدى ەلەكتروندى فورماتقا اۋىستىرعاننان كەيىن تەست تاپسىرۋشىلارعا كالكۋلياتور، حيميالىق ەلەمەنتتەردىڭ پەريودتىق جۇيەسى جانە تۇزداردىڭ ەرىگىشتىك كەستەسى قولجەتىمدى بولدى. سونىڭ ناتيجەسىندە ولار تەستىلەۋ باعدارلاماسىنا ەنگىزىلگەن.
«وزدەرىڭىزگە بەلگىلى، «حيميا» ءپانىن تاپسىرۋشىلارعا كومپيۋتەردە حيميالىق ەلەمەنتتەردىڭ پەريودتىق جۇيەسى جانە تۇزداردىڭ ەرىگىشتىك كەستەسى ۇسىنىلادى. سونداي-اق، وتكەن جىلدان باستاپ كەستەلەردىڭ قاعاز نۇسقاسى ۇسىنىلادى. ونى تەستىلەۋ اكىمشىلەرى ۇبت تاپسىراتىن اۋديتوريادا بەرەتىن بولادى. ياعني، تەستكە قاتىسۋشىلار وزدەرىمەن بىرگە الىپ كەلمەيدى. وسىلايشا، تالاپكەرلەر كەستەلەردىڭ ەلەكتروندىق فورماتىن دا، قاعاز فورماتىن دا قولدانا الادى»، - دەپ اتاپ ءوتتى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ەستەرىڭىزگە سالا كەتەيىك، تەستىلەۋ كەزىندە بارلىق تالاپكەر ءۇشىن تەستىلەۋ باعدارلاماسىندا «ماتەماتيكالىق ساۋاتتىلىق»، «ماتەماتيكا»، «ينفورماتيكا»، «فيزيكا»، «حيميا» جانە «گەوگرافيا» پاندەرى بويىنشا ەسەپتەردى شەشۋگە ارنالعان ارنايى كالكۋلياتور بولادى.
تەستىلەۋ اياقتالعاننان كەيىن ءار ءپان بويىنشا تاقىرىپتىق تالداۋ ۇسىنىلادى. بۇل تەك تەستىلەۋ ناتيجەلەرىمەن تانىسىپ قانا قويماي، كەلەسى ۇبت-عا جاقسى دايىندالۋعا مۇمكىندىك بەرەدى.