سۋارۋ ماۋسىمىنا دايىندىق باستالدى

تۇركىستان وبلىسىنىڭ سۋارمالى جەرلەرىنە 206 ملن تەكشە مەتر سۋ جىبەرىلدى.

بيىلعى سۋارۋ ماۋسىمىنا دايىندىق اياسىندا توپىراق قۇرامىنداعى ىلعال مولشەرىن ارتتىرۋ بويىنشا ءىس-شارالار جۇرگىزىلىپ جاتىر، دەپ حابارلايدى Almaty-akshamy.kz.

Cۋ جانە يرريگاسيا مينيسترلىگىنىڭ مالىمەتىنشە، قىسقى ماۋسىمدا ماقتاارال اۋدانى بويىنشا 47 مىڭ گەكتاردان استام سۋارمالى جەرگە سۋ بەرۋ جوسپارلانىپ وتىر. بۇگىنگى تاڭدا 12 مىڭ گەكتارعا نەمەسە سۋارمالى القاپتىڭ 25 پايىزىندا ىلعالداتۋ جۇمىسى جۇرگىزىلدى. ال، جەتىساي اۋدانىندا ىلعالداتۋ جوسپارلانعان 54 مىڭ گەكتاردىڭ 10 مىڭ گەكتارىنا (19%) سۋ بەرىلدى.

ايتا كەتۋ كەرەك، «دوستىق» كانالى بويىنشا سۋ الۋ ءليميتى 1116،0 ملن. تەكشە مەتردى قۇرايدى. ونىڭ ىشىندە جەلتوقسان-ناۋرىز ارالىعىنداعى ىلعالداتۋ جۇمىستارىنا 486،8 ملن. تەكشە مەتر قاراستىرىلعان. بۇگىنگى تاڭدا اتالعان كانال ارقىلى وسى ماقساتتا 88،98 ملن. تەكشە مەتر مولشەرىندە سۋ الىندى.

«تۇركىستان وبلىسىنىڭ سۋارمالى جەرلەرىنە قىسقى مەزگىلدە سۋ بەرىلىپ جاتىر. بۇل ەگىس القاپتارىنداعى ىلعال مولشەرىن كوبەيتۋگە، توپىراقتىڭ قۇنارلىعىن جاقسارتۋعا جانە اۋىل شارۋاشىلىعىنىڭ ونىمدىلىگىن ارتتىرۋ ءۇشىن جاسالادى. جەتىساي جانە ماقتاارال اۋداندارىنداعى ىلعالداتۋ جۇمىسىن ناۋرىز ايىنا دەيىن اياقتاۋ جوسپارلانىپ وتىر»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.