بۇل اقپاراتتى ساياسات نۇربەك ءوزىنىڭ Telegram ارناسىندا جاريالادى.
ق ر عىلىم جانە جوعارى ءبىلىم ءمينيسترى ۇبت-عا تىركەلۋ ۇزارتىلعانىن مالىمدەدى، دەپ حابارلايدى Almaty-akshamy.kz
ونىڭ ايتۋىنشا، نەگىزگى ۇبت-عا قاتىسۋعا ءوتىنىش بەرىپ ۇلگەرمەگەن تالاپكەرلەردىڭ پىكىرىن ەسكە الا وتىرىپ، 22 مامىر ساع. 10.00-دەن 18.00-گە دەيىن تەستىلەۋگە تىركەلۋ بازاسى بارلىق تەستىلەنۋشىلەر ءۇشىن اشىلادى.
"ءوتىنىش بەرىپ ۇلگەرمەگەن تەست تاپسىرۋشىلار app.testcenter.kz سايتىندا ۇسىنىلعان قولجەتىمدى ورىندارعا عانا تىركەلەدى. 2 رەت ءوتىنىش بەرگەن تالاپكەرلەر ءۇشىن ىس-ارەكەت قولجەتىمسىز بولادى"، دەدى ق ر عىلىم جانە جوعارى ءبىلىم ءمينيسترى ساياسات نۇربەك.
بۇعان دەيىن ۇلتتىق تەستىلەۋ ورتالىعى ۇبت سىناقتارىنىڭ ناتيجەلەرىن شەتەلدىك جوعارى وقۋ ورىندارىندا مويىنداي باستاۋى ءۇشىن جەتىلدىرۋ جۇمىستارى جۇرگىزىلىپ جاتقانىن مالىمدەگەن بولاتىن.