الماتىنىڭ قالا قۇرىلىسىن باقىلاۋ باسقارماسى ەرمەنساي ش/ا، 7 بۇرىش، 8/1 ۋچاسكەدەگى تۇك-نىڭ ءۇشىنشى قاباتىن بۇزۋدىڭ باستالعانى تۋرالى حابارلايدى.
تاپسىرىس بەرۋشى (جەكە تۇلعا) ەكى قاباتتى ءۇيدىڭ قۇرىلىسىنا رۇقسات قۇجاتتارىن العان، ءبىراق ول قوسىمشا تاعى ءبىر قابات تۇرعىزعان، بۇل جوسپاردان تىس تەكسەرۋ بارىسىندا انىقتالدى.
سونىڭ ناتيجەسىندە مەنشىك يەسىنە قاتىستى ق ر اقبتك 316-بابى 1، 462-بابى 3 بويىنشا اكىمشىلىك شارالار قابىلداندى.
باسقارمانىڭ تالاپ-ارىزى بويىنشا سوت تالقىلاۋلارىنىڭ قورىتىندىسىنا سايكەس، 2022 جىلى 15 ماۋسىمدا الماتى قالالىق سوتى 3-قاباتتى بۇزۋ تۋرالى شەشىم شىعاردى.
نىساننىڭ قاباتىن بۇزۋ بۇگىن ادىلەت دەپارتامەنتى سوت ورىنداۋشىلارىنىڭ قاتىسۋىمەن باستالدى. تومەنگى قاباتتارعا زاقىم كەلتىرمەۋ ءۇشىن قولمەن بۇزىلىپ جاتىر.
«جەر ۋچاسكەلەرىنىڭ مەنشىك يەلەرى مەن قۇرىلىس كومپانيالارىن ق ر ساۋلەت جانە قالا قۇرىلىسى قىزمەتى تۋرالى زاڭنىڭ جانە قۇرىلىس سالۋدى ۇيىمداستىرۋ ەرەجەلەرىنىڭ بۇزىلۋىنا جول بەرمەۋگە جانە قۇرىلىستى تەك زاڭدى نەگىزدە باستاۋعا شاقىرامىز. ولاي بولماعان جاعدايدا سوت ساتىسىندا ىستەردى قاراۋمەن جانە كەيىننەن بۇزۋدىڭ جوعارى ىقتيمالدىعىمەن زاڭناما اياسىندا جاۋاپكەرشىلىك ءقاۋىپ توندىرەدى»، - دەپ اتاپ ءوتتى باسقارمادا.
ەستەرىڭىزگە سالا كەتەيىك، بۇعان دەيىن الماتى اكىمى ەربولات دوسايەۆ زاڭسىز قۇرىلىستى باقىلاۋدى كۇشەيتۋدى تاپسىرعان بولاتىن.
جالپى، قالادا تالاپ قويۋ قىزمەتىنىڭ ناتيجەلەرى بويىنشا وتكەن جىلدان باستاپ 34 زاڭسىز نىسان تولىعىمەن نەمەسە جارتىلاي بۇزىلدى، ونىڭ ىشىندە بيزنەس-ورتالىقتار، مەيرامحانالار، قوسالقى عيماراتتار مەن اۆتوسەرۆيستەر، سونداي-اق «مەچتا» جانە KHAN سياقتى ءىرى تۇرعىن ءۇي كەشەندەرى بار.