ۇبت-عا تىركەلگەن ءاربىر تالاپكەرگە app.testcenter.kz رەسمي سايتىنا تىركەلۋ كەزىندە كورسەتىلگەن تەلەفون نومىرىنە SMS-حابارلاما جىبەرىلەدى. سونداي-اق، مۇنداي حابارلامالار كامەلەتكە تولماعان تەستىلەنۋشىلەردىڭ اتا-انالارىنا نەمەسە زاڭدى وكىلدەرىنە دە جولدانادى، دەپ حابارلايدى اlmaty-akshamy.kz.
"ۇبت تاپسىرۋشىلار تەستىلەۋ وتكىزىلەتىن كۇندى، ۋاقىتتى جانە ورىندى ۇمىتىپ كەتۋى نەمەسە شاتاستىرىپ الۋى مۇمكىن. اسىرەسە، تىركەلۋ بارىسىندا بىرنەشە رەت وزگەرتۋ ەنگىزەتىن تالاپكەرلەر اراسىندا وسىنداي جاعدايلار كەزدەسەدى. بۇل رەتتە تەستىلەۋگە قاتىسۋ ءۇشىن ءوتىنىش بەرگەن كەزدە تالاپكەرلەر وزدەرى ءۇشىن قولايلى تەست وتكىزۋ پارامەترلەرىن تاڭداۋعا مۇمكىندىگى بار ەكەنىن اتاپ وتكەن ءجون. بىردە-بىر تالاپكەر ماڭىزدى ەمتيحاندى جىبەرىپ الماۋى ءۇشىن ۇلتتىق تەستىلەۋ ورتالىعى ۇبت وتكىزىلەتىن كۇننەن ءبىر كۇن بۇرىن ءاربىر تەستىلەنۋشىنىڭ نومىرىنە SMS-حابارلاما جىبەرەدى"، - دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ەسكە سالاتىن SMS-حابارلاما قىزمەتى تەستىلەۋ پروسەسىنىڭ بارلىق قاتىسۋشىلارى ءۇشىن بارىنشا ايقىندىق پەن ىڭعايلىلىقتى قامتاماسىز ەتۋگە باعىتتالعان.
ەستەرىڭىزگە سالا كەتەيىك، تەستىلەۋ تۋرالى مالىمەتتەرمەن تالاپكەرلەر ۇتو سايتىنداعى جەكە كابينەتتە نەمەسە UTO قوسىمشاسى ارقىلى تانىسا الادى.