37 جاستاعى ەر ادام تومەندەتىلگەن باعامەن باسپانا الۋ قىزمەتىن ۇسىنعان.
انىقتالعانداي، وعان سەنگەندەر از بولماعان كورىنەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«الدىن الا تولەم سوماسى “قىزمەتىنە” بايلانىستى وزگەرىپ وتىردى. كەلتىرىلگەن شىعىننىڭ جالپى سوماسى شامامەن 48 ميلليون تەڭگەنى قۇرايدى. ءقازىر تەرگەۋشىلەر ۇستالعان ازاماتتىڭ وسىعان ۇقساس قىلمىسقا قاتىسى بار-جوعىن تەكسەرىپ جاتىر. قىلمىستىق ءىس اسا ءىرى كولەمدەگى الاياقتىق دەرەگى بويىنشا تەرگەلىپ جاتىر. كۇدىكتى ۋاقىتشا ۇستاۋ يزولياتورىنا قامالدى. ايتپاقشى، بۇعان دەيىن ەر ادام وسىعان ۇقساس قىلمىس جاساعانى ءۇشىن سوتتى بولعان»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.