قازاقستاندىقتارعا قاڭتار ايىنداعى ۇبت-عا ءوتىنىش بەرۋ مەرزىمى ەسكە سالىندى، دەپ حابارلايدى aqshamnews.kz
قازاقستان رەسپۋبليكاسىنىڭ ۇلتتىق تەستىلەۋ ورتالىعى 2025 جىلعى 29 جەلتوقساندا ۇلتتىق ءبىرىڭعاي تەستىلەۋگە (ۇبت) قاتىسۋشىلارعا ماڭىزدى ەسكەرتۋ جاسادى.
رەسمي مالىمدەمەدە بىلاي دەلىنگەن:
"قاڭتار ايىنداعى ۇبت-عا ءوتىنىش قابىلداۋ 30 جەلتوقسان كۇنى ساعات 23:59-دا اياقتالادى. وسى ۋاقىتتان كەيىن تەستىلەۋ پۋنكتىن، كۇنىن جانە ۋاقىتىن وزگەرتۋ مۇمكىن بولمايدى"،– دەپ حابارلادى ۇلتتىق تەستىلەۋ ورتالىعى.
سونىمەن قاتار بەيىندىك پاندەردى جانە تەستىلەۋ ءتىلىن تاڭداۋ تەست باستالۋىنا كەمىندە 24 ساعات قالعاندا عانا وزگەرتىلەتىنى اتاپ ءوتىلدى.
قورىتىندى بولىمدە بولاشاق تالاپكەرلەردەن ءوتىنىش بەرۋ كەزىندە بارىنشا مۇقيات بولۋ سۇرالدى.