Henley & Partners 2024 جىلدىڭ ءتولقۇجات يندەكسىن جاريالادى، - دەپ حابارلايدى اlmaty-akshamy.kz.
ءتولقۇجات يندەكسى - ەلدەردىڭ قوزعالىس ەركىندىگىنىڭ دەڭگەيى كورسەتىلگەن حالىقارالىق رەيتينگ، ياعني ءبىر ەلدىڭ ازاماتتارى قانشا مەملەكەتكە ۆيزاسىز كىرە الاتىنى كورسەتىلگەن. ساراپتاماعا 200-دەن اسا ەل مەن ايماقتار قاتىسقان.
رەيتينگ باسىندا گەرمانيا، يسپانيا، يتاليا، فرانسيا، سينگاپۋر جانە جاپونيا تۇر، بۇل ەلدەردىڭ ازاماتتارى 194 ەلگە ۆيزاسىز كىرە الادى. سوسىن فينليانديا، شۆەسيا جانە وڭتۇستىك كورەيا ەلدەرىنىڭ ازاماتتارى 193 ەلگە ۆيزاسىز كىرە الادى ەكەن.
فوتو: www.henleyglobal.com
قازاقستان بۇل رەيتينگتە 66-ورىندا تۇر، ءبىزدىڭ ەلدىڭ ازاماتتارى 78 ەلگە ۆيزاسىز كىرە الادى. رەسەي فەدەراسياسى - 51-ورىن، تۇركيا - 52، بەلارۋس - 64، ازەربايجان - 70، ارمەنيا - 74، وزبەكستان - 80. اۋعانستان ازاماتتارى 28 ەلگە ۆيزاسى كىرە الادى، ولار رەيتينگ سوڭىندا تۇر.