اۋىل شارۋاشىلىعى ءمينيسترى ايداربەك ساپاروۆ UBM Group كومپانياسىنىڭ ديرەكتورلار كەڭەسىنىڭ ءتوراعاسى اكوش ۆارگامەن كەزدەستى.
كەزدەسۋگە ۆەنگريانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى وتتو يۆان رونا، كومپانيا وكىلدەرى دە قاتىستى، دەپ حابارلايدى aqshamnews.kz اشم-گە سىلتەمە جاساپ.
تاراپتار اگروونەركاسىپ سالاسىنداعى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.
UBM Group قازاقستاننىڭ ءبىرقاتار وڭىرلەرىندە قۇراما جەم جانە پرەميكس ءوندىرۋ بويىنشا جوبالاردى ىسكە اسىرۋعا نيەتتى. بۇعان دەيىن بۇل تۋرالى نەگىزدەمەلىك كەلىسىم مەملەكەت باسشىسى قاسىم-جومارت توقايەۆتىڭ ۆەنگرياعا ساپارى بارىسىندا جاسالعان بولاتىن.
2025-2028 جىلدار ارالىعىندا كومپانيا قوستاناي، اقمولا جانە تۇركىستان وبلىستارىندا قۇراما جەم وندىرەتىن ءۇش زاۋىتتىڭ، سونداي-اق الماتى وبلىسىندا پرەميكس وندىرەتىن زاۋىتتىڭ قۇرىلىسىنا شامامەن 83 ملن اقش دوللارىن ينۆەستيسيالاۋدى جوسپارلاپ وتىر.
ايداربەك ساپاروۆ مينيسترلىك جوبالاردى ىسكە اسىرۋعا تولىق كومەك كورسەتەتىنىن اتاپ ءوتتى.
كەزدەسۋ سوڭىندا قاتىسۋشىلار وسى باعىتتاعى بىرلەسكەن كۇش-جىگەر ەلدەر اراسىنداعى ساۋدا-ەكونوميكالىق ىنتىماقتاستىقتى كەڭەيتۋگە جاڭا سەرپىن بەرەتىنىنە سەنىم ءبىلدىردى.