«Taza like»، «Ayala» جانە 2025 جىلى ەكولوگيالىق مادەنيەتتى ىلگەرىلەتۋگە ارنالعان باسقا دا جوبالار
2025 جىلى ەلىمىزدە قورشاعان ورتانىڭ جاي-كۇيىن جاقسارتۋعا جانە قوعامدى ەكولوگيالىق باستامالارعا تارتۋعا باعىتتالعان جاڭا ەكولوگيالىق مادەنيەتتى قالىپتاستىرۋ بويىنشا بەلسەندى جۇمىس جالعاساتىن بولادى. بۇل تۋرالى ۇكىمەت وتىرىسىندا مادەنيەت جانە اقپارات ءمينيسترى ايدا بالايەۆا باياندادى، دەپ حابارلايدى aqshamnews.kz
ءبىرىنشى باعىت – اۋقىمدى وقيعالاردى ۇيىمداستىرۋ ارقىلى جاڭا ەكولوگيالىق مادەنيەتتى قالىپتاستىرۋ. «Taza like» جوباسى تاجىريبە الماسۋعا جانە ەكولوگيالىق پروبلەمالاردىڭ شەشىمىن تابۋعا ارنالعان پلاتفورما بولادى. بۇل ءىس-شارا قوعامدىق ۇيىمداردى، عالىمدار مەن بەي-جاي قارامايتىن ادامداردى بىرىكتىرەدى. جوبا ناۋرىز ۇلتتىق مەرەكەسىنەن كەيىن باستالىپ، ەلىمىزدىڭ بارلىق وڭىرلەرىن قامتىپ، 25 ساۋىرگە دەيىن جالعاسادى. جوبانىڭ شارىقتاۋ شەگى استانادا وتەتىن ءىرى ەكوفەستيۆالمەن قورىتىندىلانادى. ەكولوگيا ماسەلەلەرىنە نازار اۋدارۋ ءۇشىن وقۋشىلار مەن جاستار اراسىندا كرەاتيۆتى يدەيالار جيناۋعا باعىتتالعان «Ayala» ارت-فەستيۆالىن وتكىزۋ جوسپارلانۋدا.
ەكىنشى باعىت – ەكولوگيالىق ءبىلىم. ءداستۇرلى اقپاراتتىق-اعارتۋ جۇمىستارىنان باسقا، زاماناۋي تەحنولوگيالىق شەشىمدەر بەلسەندى پايدالانىلاتىن بولادى. اتاپ ايتقاندا، E-gov جانە بانكتىك قوسىمشالارداعى ەكولوگيالىق وقيعالار تۋرالى حالىقتى كەڭىنەن اقپاراتتاندىرۋعا ارنالعان جاڭا «ەكو ءىس-شارا» قوسىمشاسى. قوقىس پەن پلاستيكالىق بۇيىمداردى بولەك جيناۋ جۇمىستارى جالعاسادى. سونداي-اق جاستار رەسۋرستىق ورتالىقتارى بازاسىندا «ەكو حابتار» جوباسىن كەڭەيتۋ ۇسىنىلادى. «جاسىل مەكتەپ» جوباسى 500 مىڭ وقۋشىنى جانە 3 ملن-نان استام اتا-انا مەن ولاردىڭ تۋىستارىن تارتۋعا مۇمكىندىك بەرەدى.
ەكولوگياعا كينو ءتۇسىرۋ سالاسىندا دا كوڭىل بولىنەتىن بولادى. ورمانشىلار تۋرالى «38» كينوجوباسى، سونداي-اق قوقىس وڭدەۋ زاۋىتىن اشىپ، ءتۇرلى ەكولوگيالىق اكسيالار وتكىزەتىن ەكواكتيۆيست تۋرالى «اقجاۋىن» سەرياسى باستالادى. بۇدان باسقا، «ساياحات Time» ۇلتتىق تەلەجوباسى ىسكە قوسىلادى، ونىڭ ماقساتى – قازاقستاننىڭ تابيعاتى مەن ەكولوگيالىق تازا جەرلەرىنە ۇقىپتى قاراۋدى ناسيحاتتاۋ جانە كىشكەنتاي كورەرمەندەر ءۇشىن ەكولوگيالىق تاربيەنى دامىتاتىن 3 انيماسيالىق جوبا ازىرلەنەدى.
ءۇشىنشى باعىت – ەكولوگياعا تەك ەل ىشىندە عانا ەمەس، ودان تىس جەرلەردە دە جاۋاپكەرشىلىكپەن قاراۋدى قالىپتاستىرۋ. قازاقستاننىڭ، ازەربايجاننىڭ جانە باسقا دا ەلدەردىڭ قاتىسۋىمەن كاسپيي تەڭىزىنىڭ جاعالاۋىندا پلوگينگ جوباسى (جۇگىرۋ ارقىلى قوقىس جيناۋدى دا ۇيىمداستىراتىن ەكولوگيالىق قوزعالىس) ىسكە اسىرىلاتىن بولادى. قوعامدىق ەكولوگيالىق باقىلاۋ جونىندەگى رەسپۋبليكالىق اكسيالار جانە قوعامدىق كەڭەستەردىڭ، ازاماتتىق قوعامنىڭ، بيزنەستىڭ، وقۋ ورىندارىنىڭ، ب ا ق پەن ەرىكتىلەردىڭ قاتىسۋىمەن ەكو-پاترۋلدەر قۇرۋ جالعاسادى.