جەتىسۋ كازاكتارى وداعىنىڭ اتامانى، قازاقستان حالقى اسسامبلەياسىنىڭ مۇشەسى ۆلاديمير شيحوتوۆ ۇلتتىق قۇرىلتاي حاقىندا ءوز ويىمەن ءبولىستى.
ۇلتتىق قۇرىلتاي – ارينە، بۇكىل قازاقستان ءۇشىن ايتۋلى وقيعا جانە ءبىز ودان كوپ نارسە كۇتەمىز. وتكەن قۇرىلتايلاردىڭ تاجىريبەسىنە سۇيەنسەك، مۇنداي كەزدەسۋلەر وتە ءتيىمدى جانە كۇن تارتىبىندە تۇرعان ماسەلەلەردى شەشۋگە كومەكتەسەدى. زاڭنىڭ ۇستەمدىگى مىزعىماس، سىبايلاس جەمقورلىققا، ايەلدەر مەن بالالارعا قاتىگەزدىكپەن قاراۋعا ورىن جوق، مۇمكىندىكتەرى شەكتەۋلى ادامدار قوعامدا ءوز ورنىن تاۋىپ، ءوزىن-وزى جۇزەگە اسىرۋ ءۇشىن بارلىق مۇمكىندىكتەرگە يە ءادىل قازاقستاندى نىعايتۋ ءۇشىن ءقازىر ءبارىمىز ءۇشىن ءبارىن ىستەۋدى جالعاستىرۋ ماڭىزدى دەپ ايتسام، قاتەلەسپەيمىن دەپ ويلايمىن. ءارقايسىمىز ءوز ماقساتىمىزعا جەتۋ ءۇشىن بار كۇشىمىزدى سالۋىمىز كەرەك. ءوز تاراپىمىزدان ءبىز، قازاقستان حالقى اسسامبلەياسىنىڭ وكىلدەرى، قازاقستان پرەزيدەنتى قاسىم-جومارت توقايەۆتىڭ بارلىق باستامالارىن قولداۋعا جانە ولاردى ىسكە اسىرۋ ءۇشىن بەلسەندى جۇمىس ىستەۋگە دايىنبىز. تەك بىرلەسە وتىرىپ، ءبىز العا قويعان ماقساتتارىمىزعا جەتىپ، ەلىمىزدەگى ءومىردى كۇننەن-كۇنگە جاقسارتا الامىز، - دەدى ۆلاديمير شيحوتوۆ.
جەتىسۋ كازاكتارى وداعىنىڭ اتامانىنىڭ ايتۋىنشا، كورىپ وتىرعانىمىزداي، ۇلتتىق قۇرىلتايدىڭ ارقاسىندا بۇرىن ءارتۇرلى سەبەپتەرمەن كوزدەن تاسا بولۋى مۇمكىن وزەكتى قوعامدىق ماسەلەلەرگە نازار اۋدارۋعا بولادى. مۇنداي جينالىستارداعى ەڭ ماڭىزدىسى – بارلىعىن بىردەي قىزىقتىراتىن ماسەلەلەردى ايتۋ جانە شەشۋ جولدارىن ۇسىنۋ، ءارى قاراي جۇمىس ىستەۋ ستراتەگياسىن ازىرلەۋ.
-ۋاقىتتىڭ بارلىق جاڭا سىن-قاتەرلەرىمەن بىرلەسىپ كۇرەسۋ ماڭىزدى جانە ءبىز، قازاقستان حالقى اسسامبلەياسىنىڭ وكىلدەرى بۇعان دايىنبىز، -دەيدى قازاقستان حالقى اسسامبلەياسىنىڭ مۇشەسى.