جۇڭگو حالىق رەسپۋبليكاسىنىڭ مەملەكەتتىك دامۋ بانكىنىڭ توپ-مەنەدجەرلەرى سىبايلاس جەمقورلىق قىلمىستارى ءۇشىن تەرگەۋگە الىندى، دەپ حابارلايدى اlmaty-akshamy.kz.
قىتايلىق قارجى ينستيتۋتى اتىشۋلى استانا جەڭىل رەلستى كولىك (LRT) جوباسىن قارجىلاندىرۋعا قارجى بولگەن.
Orda.kzء-تىڭ تاراتقان اقپاراتىنا سۇيەنسەك، جۇڭگو پروكۋرورلارى جۇڭگو مەملەكەتتىك دامۋ بانكىنىڭ بۇرىنعى ۆيسە-پرەزيدەنتتەرى لي سزيپين، ۆان يۋنشەن جانە چجوۋ سينيۋگە سىبايلاس جەمقورلىق جاسادى دەگەن ايىپ تاعىپ وتىر.
چجوۋ سينيۋ پارا الدى دەگەن كۇدىككە ءىلىنىپ، ونىڭ ۇستىنەن قىلمىستىق ءىس قوزعالدى. پروكۋراتۋرا ونىڭ قىزمەتتىك بابىن جانە جەكە ىقپالىن اسىرا پايدالانىپ، ءۇشىنشى تۇلعالارعا نەسيە الۋ مەن قارجىلاندىرۋعا، كەلىسىم-شارت جاساسۋعا، كاسىپكەرلىك قىزمەتتى جۇزەگە اسىرۋعا كومەكتەسكەنىن حابارلادى. بۇل ءۇشىن سينيۋ ەرەكشە ۇلكەن كولەمدە ماتەريالدىق سىياقى العان.
لي سزيپين دە سىبايلاس جەمقورلىققا قارسى تەرگەۋ نىسانىنا اينالدى. ول ووڭعى سەگىز جىلدان بەرى زەينەتكەر، دەگەنمەن ءتارتىپ پەن زاڭدى ورەسكەل بۇزدى دەگەن كۇدىككە ءىلىندى.
بانكتىڭ ءۇشىنشى ۆيسە-پرەزيدەنتى ۆان يۋنشەنگە سىيلىق الۋ جانە جەكە سەكتور يەلەرى ۇيىمداستىرعان بانكەتتەر، تۋرلار مەن گولف ويىندارىنا قاتىسۋ ارقىلى ەرەجەلەردى بۇزدى دەگەن ايىپ تاعىلدى. سونىمەن قاتار، يۋنشەن قارجى ينستيتۋتتارىنىڭ قىزمەتكەرلەرىن جۇمىسقا قابىلداۋعا ارالاسىپ، كومپانيانىڭ باعالى قاعازدارىن زاڭسىز يەمدەنىپ، بيلىكتى جەكە پايداسىنا قولدانعان.
سىبايلاس جەمقورلىق ەسكەرتكىشى
رەسمي تۇردە LRT قۇرىلىسى 2011 جىلى باستالدى. جوبانى جۇزەگە اسىرۋ ءۇشىن قازاقستان بيلىگى قىتايدىڭ مەملەكەتتىك دامۋ بانكىنەن 1،8 ميلليارد دوللار تارتقىسى كەلگەن. ءبىراق «استانا LRT» ج ش س قۇرىلىسقا بولىنگەن 344 ميلليون دوللار عانا العان.
قازاقستاننىڭ سول كەزدەگى پرەمەر-مينيسترى كارىم ءماسىموۆ قىتايدان ينۆەستيسيا تارتۋ تۋرالى كەلىسسوزدەرگە باردى. بەلگىسىز سەبەپتەرمەن ول ىنتىماقتاستىق شارتىنا كەلىسىم الدى، ءبىراق قحر قارجى ورگاندارى باسقا ەلدەرگە نەسيە بەرۋدىڭ نەگىزگى ەرەجەلەرىنىڭ ءبىرىن ءىس جۇزىندە بۇزدى - ولار قىتايداعى اقشا اينالىمىن ساقتاماعان. جۇڭگو بانكىنىڭ توپ-مەنەدجەرلەرىنىڭ قۋدالانۋىنا وسى جاعداي سەبەپ بولسا كەرەك.
اقشا 2018 جىلى ليسەنزياسىنان ايىرىلعان استانا بانكىنە اۋدارىلعان. سودان كەيىن قازاقستان بيلىگى جوبانىڭ شىعىندارىن جابۋ جانە قىتايدىڭ مەملەكەتتىك دامۋ بانكىنە نەسيەنى قايتارۋ ماقساتىندا «Astana LRT» ج ش س وبليگاسيالارىن ساتۋ تۋرالى شەشىم قابىلدادى.
LRT قۇرىلىسىن قىتايلىق China Railway No. 2 Engineering Group Co.، Ltd، Beijing State-Owned Assets Management Co.، Ltd جانە China Railway Asia Europe Construction Investment Co.، Ltd كومپانيالارى جۇرگىزۋى ءتيىس بولاتىن. بۇل كومپانيالاردىڭ وكىلدەرى قىتايدا سوتتالعان، ءبىراق قازاقستان رەسپۋبليكاسى سىرتقى ىستەر مينيسترلىگىندە سوتتالعانداردىڭ ءاتى-جونى، ءىستىڭ ەگجەي-تەگجەيى، ۇكىم مەن كەلتىرىلگەن شىعىن كولەمى تۋرالى اقپارات جوق.
2023 جىلدىڭ مامىرىندا لرت قۇرىلىسى كەزىندە قارجى جىمقىردى دەگەن ايىپپەن توعىز ادام: ەلوردا اكىمىنىڭ بۇرىنعى ورىنباسارى قانات سۇلتانبەكوۆ، «استانا LRT» كومپانياسىنىڭ بۇرىنعى باسشىسى تالعات اردان، استانا قالاسى جولاۋشىلار كولىگى جانە اۆتوموبيل جولدارى باسقارماسىنىڭ بۇرىنعى باسشىسى راشيد امانجولوۆ جانە «استانا قالاسىنىڭ ەكونوميكا جانە بيۋدجەتتىك جوسپارلاۋ باسقارماسى» مەملەكەتتىك مەكەمەسىنىڭ بۇرىنعى باسشىسى جانات نۇرپەيىسوۆ، «Astana Innovations» اق باسقارماسىنىڭ بۇرىنعى ءتوراعاسى تالعات ءاشىم، سونداي-اق ءبىرقاتار كاسىپورىن قىزمەتكەرلەرى ۇلىقبەك اشىلوۆ، تيمۋر قاسابايەۆ، دۋلات مۇسەنوۆ جانە داۋرەن ءابدىحاميتوۆ سوتتالدى.