Elmedia باسىلىمى ءوزىنىڭ دەرەككوزدەرىنە سۇيەنىپ، پولشادا ۇستالعان قازاقستان ديپلوماتىنىڭ ەسىمى ءانۋار. ب ەكەنىن جازدى، دەپ حابارلايدى aqshamnews.kz
ول قازاقستاننىڭ ۋكرايناداعى ەلشىلىگىندە اسكەري اتتاشەنىڭ كومەكشىسى بولىپ ءبىر جارىم جىل جۇمىس ىستەگەن. ونىڭ ۋكراينا اۋماعىندا عانا ديپلوماتيالىق يممۋنيتەتى بولعان. پولشا كۇشتىك قۇرىلىمدارىنىڭ ونى ءوز اۋماعىندا ۇستاۋىنا ەشقانداي كەدەرگى بولماعان.
11 تامىزدا پولشا ارنايى قىزمەتى «تىڭشىلىق جاسادى» دەگەن كۇدىكپەن قازاقستاننىڭ ۋكرايناداعى ەلشىلىگىندە اسكەري اتتاشە كومەكشىسى بولعان ادامدى ۇستاعانى تۋرالى اقپارات تاراعان.
30 شىلدەدە پولشا بيلىگى بىدگوشش قالاسىندا ورتالىق ازيا ەلدەرىنىڭ ءبىرىنىڭ سىرتقى بارلاۋ قىزمەتىنىڭ وفيسەرى ۇستالىپ، ءۇش ايعا قاماۋعا الىنعانى تۋرالى حابارلاعان. ءبىراق ناقتى قاي ەلدىڭ ازاماتى ەكەنى تۋرالى ايتىلماعان.
بۇل جاعدايعا بايلانىستى قازاقستاننىڭ رەسمي ورگاندارى ازىرگە ەشقانداي اقپارات تاراتقان جوق.