تۇتىنۋشىلىق نەسيە الاتىن قازاقستاندىقتار سانى ازايعان

تۇتىنۋشىلىق كرەديتتەردىڭ ءوسىمى جەتى ايدىڭ ىشىندە ايتارلىقتاي تومەندەگەن. 

تۇتىنۋشىلىق نەسيە الاتىن قازاقستاندىقتار سانى ازايعانىن ايتىپ وتىر. بۇل تۋرالى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولجاس قيزاتوۆ مالىمدەدى، دەپ حابارلايدى Almaty-akshamy.kz Baq.kz cىلتەمە جاساپ.

2017 جىلدان باستاپ قابىلدانعان شارالار ناتيجەسىندە سترەستىك اكتيۆتەردىڭ كولەمى 7،7 ترلن تەڭگەدەن 2،5 ترلن تەڭگەگە دەيىن تومەندەگەن. بۇل - بانك جۇيەسى اكتيۆتەرىنىڭ 6 پايىزى.

«2022 جىلعى 4 شىلدەدە مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سترەستىك اكتيۆتەر نارىعىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، ونىڭ ەرەجەلەرى 2022 جىلعى 4 قىركۇيەكتە قولدانىسقا ەنگىزىلدى»، - دەدى ولجاس قيزاتوۆ.

جاڭا زاڭدا جەكە ينۆەستورلاردى، ونىڭ ىشىندە بەيرەزيدەنتتەردى قوسۋ ارقىلى سترەستىك اكتيۆتەردى ۋاكىلەتتى ساتىپ الۋشىلاردىڭ قولدانىستاعى ءتىزىمىن كەڭەيتۋ كوزدەلەدى.

ول بيىل 8 ايدا تۇتىنۋشىلىق نەسيەلەردىڭ تومەندەگەنىن ايتتى.

«بىلتىر تۇتىنۋشىلىق كرەديتتەردىڭ ءوسىمى 40 پايىز بولسا، بيىل جەتى ايدىڭ ىشىندە 12 پايىز بولدى. بۇل، بىلتىرعىعا قاراعاندا، تومەن كورسەتكىش، ياعني تەڭگەرىمدى ءوسىم بولدى»، - دەدى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى.