«الاتاۋ جارىق كومپانياسى» اق-دا مەملەكەت باسشىسى قاسىم-جومارت توقايەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا كەزەكتى جولداۋىنا ارنالعان جيىن ءوتتى. باسقوسۋعا كومپانيا باسشىلارى مەن قىزمەتكەرلەرى قاتىستى.
جيىنعا شالعاي اۋداندارداعى ەلەكتر توراپتارىنىڭ ماماندارى ونلاين فورماتتا قاتىستى. الدىمەن «الاتاۋ جارىق كومپانياسى» اق باسقارما ءتوراعاسى اباي اسىلوۆ ءسوز الىپ، پرەزيدەنت جولداۋىندا ايتىلعان ەلدەگى وزەكتى ماسەلەلەردىڭ شەشۋ جولدارىن ايقىندايتىن نەگىزگى باعىتتارىنا توقتالدى.
قازاقستان حالقى ەل پرەزيدەنتىمەن ءبىر باعىتقا قاراي جانە ءبارىمىز ءبىر ماقساتقا قاراي ىلگەرىلەپ كەلە جاتقانىمىزدى جانە ءوز كەزەگىندە الەمنىڭ ەڭ دامىعان ەلدەرىنىڭ قاتارىنان ورىن الۋ ءۇشىن قولىمىزدان كەلگەننىڭ ءبارىن جاساۋعا تىرىساتىنىمىزدى اتاپ ءوتۋ ماڭىزدى.
مەملەكەت باسشىسىنىڭ ءوزى باسىمدىق بەرۋ كەرەك دەپ ەلەكتر ەنەرگياسى سالاسىنا ەرەكشە توقتالدى. بۇگىنگى تاڭدا بۇل سالانى دامىتۋ ءۇشىن كەلەلى جوبالاردى قولعا الىپ، ايانباي ەڭبەك ەتۋىمىز كەرەك. ويتكەنى جەلىلەردىڭ توزۋى جالپى كولەمنىڭ ۇشتەن ەكىسىن قۇراپ وتىر. ال جەلىلەردىڭ ەسكىرۋىنىڭ الدىن الۋ ءۇشىن جۇيەلى جۇمىستاردى قولعا الاتىن بولامىز.
ەل پرەزيدەنتىنىڭ سوزىمەن ايتقاندا: «قازاقستاننىڭ بولاشاعى بۇگىننەن – ءبىزدىڭ سوزدەرىمىزدەن، ىستەرىمىزدەن، نيەتتەرىمىزدەن جانە ىس-ارەكەتتەرىمىزدەن باستالادى»، – دەدى باسقارما ءتوراعاسى. ءوز كەزەگى كەلگەندە باسقارۋشى ديرەكتورلار، باسقارما باسشىلارى مەن كومپانيانىڭ جاستارى ءوز ويلارىن ورتاعا سالدى. ارينە، مۇنداي پىكىرتالاستار مەملەكەت باسشىسىنىڭ تاپسىرماسىن ورىنداۋعا قاتىستى جوسپارلار قۇرۋعا ءوز كومەگىن تيگىزەتىنى انىق.
جيىن سوڭىندا كومپانيا باسشىسى پرەزيدەنت قاسىم-جومارت كەمەل ۇلى توقايەۆتىڭ: "ءبىز ءارقايسىمىز بىرلىكتى جان-جاقتى نىعايتىپ، ادىلەتتىلىك قاعيداتتارىن بەرىك ۇستاناتىن كۇشتى جانە تابىستى ۇلت بولامىز»، - دەگەن سوزىمەن اياقتادى.