بۇل ەلىمىزدەگى بارلىق ۇكىمەتتىك ەمەس ۇيىمداردى بىرىكتىرىپ، نىعايتادى.
قازاقستاندا تۇتىنۋشىلاردىڭ قۇقىعىن قورعايتىن ءبىرىڭعاي ۇيىم قۇرىلادى، دەپ حابارلايدى Almaty-akshamy.kz
بۇل تۋرالى مالىمدەگەن ق ر ساۋدا جانە ينتەگراسيا مينيسترلىگى تۇتىنۋشىلار قۇقىعىن قورعاۋ كوميتەتىنىڭ ءتوراعاسى اسقار تىنىسبەكوۆتىڭ ايتۋىنشا، تۇتىنۋشىلاردىڭ قۇقىقتارىن قورعاۋ سالاسىنداعى قۇقىقتىق نورمالاردى جەتىلدىرۋ ماقساتىندا كوميتەت زاڭناماعا وزگەرىستەردىڭ 2ء-شى توپتاماسىنىڭ تۇجىرىمداما جوباسىن ازىرلەگەن.
قۇجات وسى جىلدىڭ ماۋسىم ايىندا تۇتىنۋشىلاردىڭ قۇقىقتارىن قورعاۋ جونىندەگى ۆەدومستۆوارالىق كەڭەستىڭ ءبىرىنشى وتىرىسىندا تالقىلانىپ، اشىق نقا پورتالىندا جاريا تالقىلاۋ ءۇشىن ورنالاستىرىلعان.
«زاڭنىڭ (تۇتىنۋشىلار قۇقىعىن قورعاۋ تۋرالى زاڭ) 2ء-شى توپتاماسى قاجەتتى تۇزەتۋلەردى قاراستىرادى. اتاپ ايتقاندا، تۇتىنۋشىلاردىڭ قۇقىقتارىن قورعاۋ جونىندەگى ءبىرىڭعاي جالپىۇلتتىق كوممەرسيالىق ەمەس ۇيىمنىڭ جۇمىس ىستەۋى ءۇشىن زاڭنامالىق نەگىز قالاۋ ۇسىنىلادى. بۇل ەلىمىزدەگى بارلىق ۇكىمەتتىك ەمەس ۇيىمداردى بىرىكتىرىپ، نىعايتادى. ەكىنشىدەن، تۇتىنۋشىلاردىڭ قۇقىعىن قورعاۋ جونىندەگى ومبۋدسمەن ينستيتۋتىن ەنگىزۋ جوسپارلانۋدا. ول حالىق پەن قوعامدىق بىرلەستىكتەردىڭ داۋىسى بولادى»، - دەدى اسقار تىنىسبەكوۆ.