مەملەكەت باسشىسى تاتارستاندا بولعان ۇشاق اپاتىنا بايلانىستى كوڭىل ايتتى
قازاقستان پرەزيدەنتى تاتارستان رەسپۋبليكاسى مەنزەلينسك قالاسىنىڭ ماڭىندا كىسى ولىمىنە اكەلىپ سوقتىرعان ۇشاق اپاتى تۋرالى حاباردى تەرەڭ كۇيزەلىسپەن قابىلدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
«قازاقستان حالقىنىڭ جانە جەكە ءوزىمنىڭ اتىمنان قازا تاپقانداردىڭ جاقىندارى مەن تۋىستارىنىڭ قايعىسىنا ورتاقتاسىپ كوڭىل ايتامىن. اپاتتان زارداپ شەككەندەر تەزىرەك ساۋىعىپ كەتەدى دەپ ۇمىتتەنەمىن»، – دەپ جازىلعان جەدەلحاتتا.