10 قاراشادا استانادا جەرەبە تاستالدى، شارا بارىسىندا پرەزيدەنتتىككە كانديداتتاردىڭ تەلەدەباتىندا ءسوز سويلەۋ ءتارتىبى انىقتالدى. رەسمي شاراعا بارلىق ۇمىتكەرلەردىڭ شتاب باسشىلارى قاتىسىپ، رەتتىك نومىرلەرىن تاڭدادى.
جەرەبە ناتيجەسىندە بەسىنشى بولىپ قۇقىق قورعاۋشى سالتانات تۇرسىنبەكوۆا ءسوز سويلەيتىنى بەلگىلى بولدى. پىكىرسايىس 11 قاراشا كۇنى ساعات 20:00-دە «حابار» تەلەارناسىنان تىكەلەي ەفيردە كورسەتىلەدى.
وندا ۇمىتكەرلەر سايلاۋالدى باعدارلامالارىمەن تانىستىرىپ، بىر-بىرىنە سۇراقتار قويادى، سونداي-اق قازاقستاندىقتاردىڭ ساۋالدارىنا جاۋاپ بەرەدى. ۇمىتكەرلەرگە سۇراق قويعىسى كەلەتىندەر 10 قاراشاعا دەيىن تەلەارنانىڭ ارنايى ەلەكتروندى مەكەنجايىنا ۇزاقتىعى 1 مينۋتتان اسپايتىن بەينەجازبا جولداۋى ءتيىس.
ەسكە سالايىق، سالتانات تۇرسىنبەكوۆا - قوعام قايراتكەرى، قۇقىق قورعاۋشى، ەكى بالانىڭ اناسى. ول سوڭعى جىلدارى ەلىمىزدە ەڭ كوپ تالقىلاناتىن جانە رەزونانستى تاقىرىپتاردىڭ ءبىرى – وتباسىنداعى زورلىق-زومبىلىقپەن كۇرەسۋدەگى كوپ جىلعى قاجىرلى ەڭبەگىمەن تانىمال.