توقايەۆتىڭ جاقتاستارى اقتوبە وبلىسىنىڭ تۇرعىندارىمەن كانديداتتىڭ سايلاۋ الدىنداعى باعدارلاماسىنىڭ باسىمدىقتارىن تالقىلادى
پرەزيدەنتتىككە كانديدات قاسىم-جومارت توقايەۆتى قولداۋ جونىندەگى رەسپۋبليكالىق قوعامدىق شتابتىڭ مۇشەلەرى اقتوبە وبلىسىنىڭ تۇرعىندارىمەن ءبىرقاتار كەزدەسۋ وتكىزدى.
اقتوبە رەلس-ارقالىق زاۋىتىنىڭ ەڭبەك ۇجىمىمەن كەزدەسۋدە كانديداتتىڭ سايلاۋ الدىنداعى باعدارلاماسىندا كورسەتىلگەن ەل ونەركاسىبىن دامىتۋعا ارنالعان شارالار تالقىلاندى.
«اقتوبە وبلىسى – ەلىمىزدەگى ماڭىزدى يندۋستريالدى ءوڭىر. ەڭبەك ادامدارى، سونداي-اق، جاۋاپتى، ەڭبەكسۇيگىش، پاتريوت اقتوبەلىكتەر وبلىستىڭ وسىپ-وركەندەۋىنىڭ نەگىزى ەكەنى ءسوزسىز. سىزدەر ءاردايىم ەلىمىزدەگى رەفورمالاردى، بەيبىتشىلىكتى جانە تۇراقتىلىقتى قولداپ كەلدىڭىزدەر. سوندىقتان الداعى پرەزيدەنت سايلاۋىندا، ەل دامۋىنداعى وسىنداي جاۋاپتى كەزەڭدە ءوڭىر تۇرعىندارى دۇرىس تاڭداۋ جاسايدى دەپ سەنەمىز»، – دەدى رەسپۋبليكالىق قوعامدىق شتاب دەلەگاسياسىنىڭ باسشىسى ماۋلەن اشىمبايەۆ.
اقتوبە وبلىسىنىڭ جۇرتشىلىعىمەن كەزدەسۋگە 350-دەن استام ادام قاتىستى. ءىس-شارادا رقش مۇشەلەرى سايلاۋ الدىنداعى باعدارلامانىڭ وڭىرلىك ينفراقۇرىلىمدى جاقسارتۋ جانە جۇمىس ورىندارىن اشۋ ماسەلەلەرىنە ارنالعان باعىتتارىنا نازار اۋداردى.
شتاب مۇشەلەرى ق.جۇبانوۆ اتىنداعى ۋنيۆەرسيتەتتە جوعارى وقۋ ورنىنىڭ عالىمدارىمەن جانە وقىتۋشى-پروفەسسورلار قۇرامىمەن كەزدەستى. كەزدەسۋدە سايلاۋ الدىنداعى باعدارلاماداعى عىلىمدى قولداۋعا ارنالعان ناقتى شارالار تالقىلاندى.