2022 جىلدىڭ 10 قاراشاسىندا ق ر پرەزيدەنتتىگىنە جالپىۇلتتىق سوسيال-دەموكراتيالىق پارتياسى اتىنان كانديدات نۇرلان اۋەسبايەۆ كازاحسكايا جانە دۇكەن ۇلى كوشەلەرى قيىلىسىندا ورنالاسقان ەلوردالىق جاتاقحانادا تۇرعىندارمەن كەزدەسۋ وتكىزدى.
ءىس-شارا بارىسىندا كانديدات جينالعان قاۋىمعا ءوزىنىڭ سايلاۋالدى باعدارلاماسىنىڭ باسىم باعىتتارى جونىندە باياندادى، سونىمەن بىرگە قوعامدى الاڭداتقان سۇراقتارعا جاۋاپ بەردى.
قازاقستاننىڭ سىرتقى ساياساتىنا قاتىستى ساۋال دا قويىلدى. نۇرلان اۋەسبايەۆتىڭ پىكىرىنشە، ۇكىمەت باسقا مەملەكەتتەر ءبىزدىڭ ەسەبىمىزدەن بايىپ، ادال ەمەس باسەكەلەستىكتە زيان كەلتىرۋگە تىرىسقان جاعدايدا قاتاڭ ويىن ەرەجەلەرىن ورناتۋعا ءتيىس. كانديدات ستراتەگيالىق سالالاردا قازاقستان قالىپتى پروتەكسيونيزمدى ۇستانۋ قاجەت دەپ ەسەپتەيدى.