ەرجان باباقۇماروۆ ايەلدەر ىستەرى جانە وتباسىلىق-دەموگرافيالىق ساياسات جونىندەگى قالالىق كوميسسيانىڭ وتىرىسىن وتكىزدى
الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن وتكەن كەڭەستە 2021 جىلدىڭ جۇمىس ناتيجەلەرى مەن كەلەسى جىلعا ارنالعان جوسپارلار قارالدى، دەپ حابارلايدى اlmaty-akshamy.kz
كەزدەسۋگە قاتىسۋشىلار ايەلدەرگە قاتىستى تۇرمىستىق زورلىق-زومبىلىقتىڭ الدىن الۋ، انا مەن بالانى قورعاۋ، سونداي-اق وزەكتى پروبلەمالاردى شەشۋ بويىنشا ءتيىمدى تاسىلدەردى ازىرلەۋ ماسەلەلەرىن تالقىلادى.
كوميسسيا ءتوراعاسى ورىنباسارىنىڭ مىندەتىن اتقارۋشى سانا جانداي اتقارىلعان جۇمىس تۋرالى ەسەپ بەردى. ايەلدەرگە قاتىستى تۇرمىستىق زورلىق-زومبىلىقتىڭ الدىن الۋ تۋرالى قالالىق پوليسيا دەپارتامەنتىنىڭ وكىلى گۇلبانۋ سابرالييەۆا باياندادى. انا مەن بالانى قورعاۋدىڭ وزەكتى ماسەلەلەرى، ولاردى شەشۋ جولدارى بويىنشا الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي ايتىپ بەردى.
ايەلدەردىڭ قوعامدىق جانە قۇقىق قورعاۋ ۇيىمدارىنىڭ وكىلدەرى دە ءوز پىكىرلەرىمەن جانە ۇسىنىستارىمەن ءبولىستى.
وتىرىس قورىتىندىسى بويىنشا قالا اكىمىنىڭ ورىنباسارى ەرجان باباقۇماروۆ كوميسسيانىڭ جۇمىسىن بارلىق باعىتتار، سونىڭ ىشىندە ايەلدەرگە قاتىستى زورلىق-زومبىلىق فاكتىلەرىنە جول بەرمەۋ بويىنشا كۇشەيتۋدى تاپسىردى. سونىمەن قاتار، وتباسى ينستيتۋتىن نىعايتۋ، قيىن جاسوسپىرىمدەردى بەيىمدەۋ جانە الەۋمەتتەندىرۋ، ايەلدەر مەن بالالاردىڭ مۇددەلەرىن قورعاۋ بويىنشا مەملەكەتتىك ورگانداردىڭ جۇمىسىن ۇيلەستىرۋ بويىنشا پارمەندى شارالار ازىرلەۋ قاجەتتىگى اتاپ ءوتىلدى.
سونىمەن قاتار، ەرجان باباقۇماروۆ تۇرمىستىق زورلىق-زومبىلىقتىڭ الدىن الۋ بويىنشا سەرۆيستىك پوليسيا جوباسىنىڭ ەلەمەنتتەرىن زەردەلەۋدى جانە پراكتيكادا قولدانۋدى تاپسىردى. ايەلدەردىڭ قوعامدىق ۇيىمدارىن ومىرلىك قيىن جاعدايعا تاپ بولعان ايەلدەردى قولداۋ جونىندەگى داعدارىس ورتالىقتارى جەلىسىن كەڭەيتۋگە تارتۋ قاجەت.
تالقىلاۋ بارىسىندا شەشۋدى تالاپ ەتەتىن وزەكتى ماسەلەلەردى انىقتاۋ ءۇشىن ءاقپاراتتىق-تۇسىندىرۋ جۇمىستارىن كۇشەيتۋ جانە الەۋمەتتىك ساۋالنامالار جۇرگىزۋ بويىنشا ۇسىنىستار ەنگىزىلدى.