ەرجان باباقۇماروۆ الماتىدا سەرۆيستىك پوليسيانى ەنگىزۋ جونىندەگى جۇمىس توبىنىڭ وتىرىسىن وتكىزدى

وتىرىس بارىسىندا «قوعامدىق قاۋىپسىزدىكتى قامتاماسىز ەتۋدەگى سەرۆيستىك ءتاسىل» پيلوتتىق جوباسىن ىسكە اسىرۋ بارىسى قارالدى.

سەرۆيستىك پوليسيانىڭ پيلوتتىق جوباسى الاتاۋ اۋدانى اۋماعىندا جۇزەگە اسىرىلۋدا. باستى ماقسات – جەرگىلىكتى تۇرعىندارمەن ارىپتەستىك ارقىلى قوعامدىق قاۋىپسىزدىك دەڭگەيىن ارتتىرۋ، دەپ حابارلايدى اlmaty-akshamy.kz

وتىرىستا قۇقىق ءتارتىبىن قامتاماسىز ەتۋ ماسەلەلەرىن شەشۋ جونىندەگى ارنايى ۆەدومستۆوارالىق توپتىڭ جۇمىسى تۋرالى ەسەپ تىڭدالدى. بۇدان باسقا، جاڭا فورماتتاعى جۇمىستىڭ تۋىنداعان ماسەلەلەرىن شەشۋ جونىندەگى شارالار قارالدى.

ەقىۇ-نىڭ ۇلتتىق ازشىلىقتار جونىندەگى جوعارعى كوميسسارىنىڭ ءتۇرلى قوعامداردى بىرىكتىرۋ جونىندەگى ليۋبلياندىق ۇسىنىستارىنا سايكەس ارنايى توپقا اۋداندا تۇراتىن ۇيعىر، قىرعىز جانە دۇنگەن قاۋىمداستىقتارىنىڭ وكىلدەرى كىردى.

وتىرىستا ادام قۇقىقتارى جونىندەگى حارتيانىڭ اتقارۋشى ديرەكتورى، پرەزيدەنت جانىنداعى ۇلتتىق قوعامدىق سەنىم كەڭەسىنىڭ مۇشەسى جەمىس تۇرماعامبەتوۆا، سونداي-اق الاتاۋ اۋدانى اكىمىنىڭ شتاتتان تىس كەڭەسشىسى، الاتاۋ اۋدانى جپق پب-نىڭ قوعامدىق پوليسيا كومەكشىسى اسەل جۇماعالييەۆا ءوز ۇسىنىستارىن ايتتى.

الماتى قالاسى اكىمىنىڭ ورىنباسارى ەرجان باباقۇماروۆ وتىرىستىڭ جۇمىسىن قورىتىندىلاي كەلىپ، جوبانى ىسكە اسىرۋ بارىسىندا الەۋمەتتىك ساۋالنامانىڭ الدىن الا تۇجىرىمدارى مەن قوعام قايراتكەرلەرىنىڭ ۇسىنىستارىن ەسكەرۋدى تاپسىردى. بۇدان باسقا، كەلەسى جىلعا قويىلعان مىندەتتەردى ىسكە اسىرۋ جونىندەگى شارالار پاكەتىن ازىرلەۋ قاجەت.