تۇرمىستىق زومبىلىققا قىلمىستىق جاۋاپكەرشىلىك كۇشەيدى

1 شىلدەدەن باستاپ الماتى پوليسياسى ءوتىنىش بەرۋشىدەن تۇرمىستىق زورلىق-زومبىلىق سالاسىنداعى قىلمىستاردى تىركەۋدەۋدىڭ ايقىنداۋشى سيپاتىنا كوشەدى

وڭىرلىك كوممۋنيكاسيالار قىزمەتىنىڭ الاڭىندا ءتارتىپ ساقشىلارى مەن الماتى قالاسىنىڭ داعدارىس ورتالىعى وكىلدەرىنىڭ قاتىىسۋىمەن بريفينگ ءوتتى، دەپ حابارلايدى almaty-akshamy.kz 

الماتى قالاسى پوليسيا دەپارتامەنتى جەرگىلىكتى پوليسيا قىزمەتى باسقارماسى باسشىسىنىڭ ورىنباسارى دياس دۇيسەنبەكوۆ 1 شىلدەدەن باستاپ پوليسيا ءوتىنىش بەرۋشىدەن قىلمىستى تىركەۋدىڭ انىقتاۋشى سيپاتىنا كوشەتىنىن حابارلادى. بۇدان بىلاي اكىمشىلىك قۇقىق بۇزۋشىلىقتار تۋرالى ىستەر جابىرلەنۋشىلەردىڭ ءوتىنىشىنسىز قوزعالادى، ال تۇرمىستىق زورلىق-زومبىلىق فاكتىسى بويىنشا حاتتاما كۋاگەرلەردىڭ، كورشىلەردىڭ بەرگەن ايعاقتارىنا جانە بەينەباقىلاۋ كامەرالارىنىڭ جازبالارىنا سايكەس جاسالادى. قايتا تاتۋلاسۋ مۇمكىندىگى بولمايدى. 

«ەگەر ءبىز بۇرىن ءوتىنىش قابىلدانعاننان كەيىن زورلىق-زومبىلىق قۇربانىنان ءوتىنىش جازۋدى سۇراپ، سودان كەيىن بارىپ جاۋاپكەرشىلىككە تارتقان بولساق، تۇزەتۋلەردەن كەيىن سوتقا دەيىنگى تەرگەۋ ءىس جۇزىندە باستالادى. مىسالى، ايەل ادام اۋرۋحاناعا ءتۇستى دەلىك، وعان پوليسيا جاساعى بارادى، جابىرلەنۋشى وزىنە ءزابىر كورسەتكەن ادامعا ارىز جازعىسى كەلە مە، جوق پا، وعان قاراماي، ءتيىستى شەشىم قابىلدانادى. سونداي-اق، مەملەكەت باسشىسىنىڭ نۇسقاۋىن ورىنداۋدا وتباسىلىق-تۇرمىستىق قارىم-قاتىناس سالاسىندا جاسالعان قۇقىق بۇزۋشىلىقتار ءۇشىن 5-تەن 20 تاۋلىككە دەيىن قاماۋعا الۋ جاۋاپكەرشىلىگى قاراستىرىلعان. سونىمەن قاتار، قىلمىستىق جاۋاپكەرشىلىك تە كۇشەيدى»، - دەپ حابارلادى پوليسيا قىزمەتكەرى. 

قابىلدانعان تۇزەتۋلەر اكىمشىلىك قۇقىق بۇزۋشىلىق تۋرالى ىستەردى جابىرلەنۋشىلەردىڭ ءوتىنىشىنسىز، ياعني تۇرمىستىق زورلىق-زومبىلىق جاساۋ فاكتىسى بويىنشا قوزعاۋعا مۇمكىندىك بەرەدى. حاتتاما تولتىرۋ ءۇشىن كۋاگەرلەردىڭ، كورشىلەردىڭ بەرگەن ايعاقتارى، بەينەباقىلاۋ كامەرالارىنىڭ جازبالارى جەتكىلىكتى بولادى. سوڭعى شەشىمدى سوت شىعارادى. 
سونداي-اق، سپيكەردىڭ ايتۋىنشا ەنگىزىلگەن تۇزەتۋلەردىڭ ارقاسىندا تاراپتاردىڭ قايتا تاتۋلاسۋ مۇمكىندىگى بولمايدى. 

تاقىرىپتى جالعاستىرعان «داعدارىستار ورتالىعى وداعى» زاڭدى تۇلعالار بىرلەستىگىنىڭ باسقارما ءتورايىمى، ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى ءزۇلفيا بايساقوۆا بيىل بۇۇ-نىڭ ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ تۋرالى كونۆەنسياسىن قازاقستانمەن راتيفيكاسيالانعانىنا 25 جىل تولاتىنىن حابارلادى. 

«وسى جىلدار ىشىندە كوپ جۇمىس اتقارىلدى، «تۇرمىستىق زورلىق-زومبىلىقتىڭ الدىن الۋ تۋرالى» زاڭ بار، تۇرمىستىق زورلىق-زومبىلىق قۇرباندارىنا ارنالعان ارنايى قىزمەتتەر ستاندارتتارى بار. الماتىدا التى جىلدان بەرى «جان-سايا» داعدارىس ورتالىعى جۇمىس ىستەيدى. ول تاۋلىك بويعى رەجيمدە قولداۋعا ءزارۋ ادامداردى قابىلدايدى جانە 8 قىزمەت ءتۇرىن كورسەتەدى. ەڭ الدىمەن، بۇل – ءقاۋىپسىز تۇراتىن ورىن، ءبىلىم بەرۋ، پسيحولوگيالىق كەڭەس بەرۋ، زاڭگەردىڭ كەڭەس بەرۋى»، - دەدى ءزۇلفيا بايساقوۆا.

«داعدارىس ورتالىقتارىنىڭ وداعى» زەرتتەۋ جۇرگىزگەن،  ول ءاربىر 6-شى بالانىڭ ءبىر نەمەسە باسقا دا زورلىق-زومبىلىقتىڭ كۋاسى ەكەنىن كورسەتتى. سوندىقتان 2023 جىلعى 1 مامىرداعى جاعداي بويىنشا ءومىر سۇرگەن 6649 ادامنان تۇراتىن «جان-سايا»  داعدارىس ورتالىعىندا ولاردىڭ جارتىسىنان كوبى بالالار جانە بۇل وتە وكىنىشتى جاعداي. الماتى-تۇرمىستىق زورلىق-زومبىلىق قۇرباندارىنا كومەك الۋعا بولاتىن اقپارات پەن تەلەفون نومىرلەرى كورسەتىلگەن 164 باننەر ورنالاستىرىلعان جالعىز قالا. مىسالى، ءانونيمدى كومەكتى «150» سەنىم تەلەفونى ارقىلى الۋعا بولادى.

«بىزدە كەڭەس  الۋ ءۇشىن  WhatsApp ارقىلى حابارلاسۋعا بولاتىن تەلەفوندار دا بار 8 771 - 450 - 3 - 450»- دەدى ز. بايساقوۆا. قازاقستان بويىنشا تۇرمىستىق زورلىق-زومبىلىق قۇرباندارىنا ارنالعان 36 داعدارىس ورتالىعى بار.