ەgov.mobile ارقىلى ەلەكتروندىق تۇردە قولجەتىمدى بولادى.
«سيفرلىق نوتاريات» پيلوتتىق جوباسى اياسىندا مۇلىككە يەلىك ەتۋگە بايلانىستى سەنىمحاتتاردىڭ بارلىق ءتۇرى egov.mobile ارقىلى ەلەكتروندىق تۇردە قولجەتىمدى بولدى. بۇل تۋرالى ادىلەت مينيسترلىگىنىڭ باسپا ءسوز قىزمەتى حابارلادى.
ونىڭ شەڭبەرىندە حالىققا سەنىمحاتتاردى ونلاين فورماتتا راسىمدەۋگە بولادى.
«جوبانىڭ ءبىرىنشى كەزەڭىندە ونلاين فورماتتا سەنىمحاتتىڭ تەك ءۇش ءتۇرى راسىمدەلگەن ەدى. الايدا، جوبانى جۇزەگە اسىرۋ بارىسىندا تۇرعىنداردىڭ ومىرلىك جاعدايلارىنا قاراي سەنىمحاتتار تىزبەسىن كەڭەيتۋ قاجەت بولدى. وسىعان بايلانىستى، مۇلىككە يەلىك ەتۋگە بايلانىستى سەنىمحاتتاردان وزگە، سەنىمحاتتاردىڭ بارلىق تۇرلەرىن وسى تىزبەگە ەنگىزۋ تۋرالى شەشىم قابىلداندى»، – دەدى ۆيسە-مينيستر بەكبولات مولدابەكوۆ.