«ءۇمىت-2021» كونكۋرسىنىڭ ماقساتى – سوتتالعانداردى تابيعاتتىڭ كەرەمەتىن سەزىنە الۋعا، سۇلۋلىققا دەگەن قۇشتارلىعىن ارتتىرۋعا تاربيەلەۋ.
الماتىدا سوتتالعاندار اراسىندا «ءۇمىت-2021» بايقاۋى ءوتتى، دەپ حابارلايدى اlmaty-akshamy.kz Polisia.kz سايتىنا سىلتەمە جاساپ.
الماتى وبلىسى بويىنشا قىلمىستىق-اتقارۋ جۇيەسى دەپارتامەنتىندە جىلداعى ءداستۇر بويىنشا سوتتالعانداردىڭ ونەرىن سىنعا سالاتىن «ءۇمىت» كونكۋرس-بايقاۋى ءوتتى. سوتتالعاندار بۇل بايقاۋدا ەكى نوميناسيا بويىنشا، اتاپ ايتقاندا، قولونەر بۇيىمدارىن جاساۋ جانە سۋرەت ونەرى بويىنشا سايىسقا ءتۇستى.
بۇل كونكۋرس سوتتالعاندار اراسىندا دا نەبىر شەبەرلەر مەن سۋرەتشىلەر بار ەكەنىن انىقتادى. اتاپ ايتقاندا، قولونەر بۇيىمدارى بويىنشا لا-155/6 مەكەمەسىندە جازاسىن وتەپ جاتقان ا. اتتى ءجاسوسپىرىمنىڭ قولىنان شىققان سۋدىڭ ەكپىنىمەن قوزعالىسقا تۇسەتىن «ەكسكاۆاتور» ءادىلقازىلار القاسىنىڭ ءادىل باعاسىنا يە بولىپ، ءبىرىنشى ورىندى يەلەندى. شپريس پەن سۋدى، گۋاشتى قولدانعان شەبەردىڭ ونەرى ونىڭ بولاشاعىنان زور ءۇمىت كۇتتىرەتىن ماماندىق يەسى بولاتىنىنا دەگەن سەنىمدى كۇشەيتتى.
سۋرەت ونەرى بويىنشا جۇلدەلى ورىنعا لا-155/18 مەكەمەسىنەن سوتتالعان س.-نىڭ سالعان «گارمونيا» اتتى كارتيناسى يە بولدى. بۇل كورمەگە سوتتالعان س.-نىڭ بۇدان باسقا دا «مەنىڭ جانىم»، «مەنىڭ ارمانىم الىس» اتتى سۋرەتتەرى دە قويىلدى.
«سوتتالعاندار اراسىندا وتكەن «ءۇمىت-2021» كونكۋرسىنىڭ ماقساتى سوتتالعانداردى تابيعاتتىڭ كەرەمەتىن سەزىنە الۋعا، ونەردىڭ تىلسىمىن تۇسىنۋگە، ولاردىڭ ەستەتيكالىق تۇسىنىگىن قالىپتاستىرىپ، اينالاسىنداعى سۇلۋلىققا دەگەن قۇشتارلىعىن ارتتىرۋعا تاربيەلەۋ بولىپ تابىلادى. كونكۋرس جەڭىمپازدارىنا بەلگىلەنگەن اقشالاي سىيلىق ولاردىڭ جەكە شوتتارىنا اۋدارىلاتىن بولادى»، – دەدى ءادىلقازىلار القاسىنا تورەلىك ەتكەن الماتى قالاسى بويىنشا قاجد باستىعى د. قاناتبەكوۆ.
سونىمەن قاتار جەڭىمپاز سوتتالعاندار دەپارتامەنت باسشىلىعى تاراپىنان ماقتاۋ گراموتالارىنا يە بولدى.