تۇركسىب اۋدانىنىڭ 2500-دەن استام ءۇيى سۋمەن قامتۋعا قوسىلعان

جەلىلەردىڭ جالپى ۇزىندىعى 137،2 شاقىرىم

وڭىرلىك كوممۋنيكاسيالار قىزمەتىندە اۋدان اكىمى باقىتجان اقجاروۆ قالانىڭ تۇركسىب اۋدانىندا 2020-2024 جىلدارعا ارنالعان «جاڭا الماتى» شەت ايماقتاردى دامىتۋدىڭ كەشەندى جوسپارىنىڭ قالاي جۇزەگە اسىرىلىپ جاتقانىن ايتىپ بەردى، دەپ حابارلايدى Almaty-akshamy.kz.

ونىڭ ايتۋىنشا، بۇگىندە المەرەك، قايرات جانە نۇرشاشقان شاعىن اۋداندارىنىڭ تۇرعىندارى ساپالى اۋىز سۋعا قولجەتكىزۋدە. 2500-دەن استام ءۇيدىڭ تۇرعىندارى ورتالىق سۋمەن جابدىقتاۋعا قوسىلعان.

جەلىلەردىڭ جالپى ۇزىندىعى 137،2 شاقىرىمدى قۇرادى: سۋ المەرەكتىڭ 819 ۇيىنە، نۇرشاشقاننىڭ 832 ۇيىنە جانە قايرات شاعىن اۋدانىنىڭ 1174 ۇيىنە بەرىلدى.

المەرەك شاعىن اۋدانىنىڭ ۇيلەرى قامتىلماعان جەلىلەرى بويىنشا جسق قوسىمشا ازىرلەندى (261 سۋمەن جابدىقتاۋ، 596 سۋ بۇرۋ). شۋاقتى شاعىن اۋدانى بويىنشا جسق ساراپتامادان ءوتتى، 400 ءۇي قامتىلادى.

«تومەنگى پياتيلەتكا» اۋماعىن سۋمەن جابدىقتاۋ بويىنشا جوبالىق-سمەتالىق قۇجاتتاما ازىرلەندى، مەردىگەر انىقتالدى، جوبانى ىسكە اسىرۋ مەرزىمى 2022-2023 جىلدار. جوبامەن 4000-نان استام ءۇي قامتىلادى، 13،3 مىڭ تۇرعىن، جەلىلەردىڭ ۇزىندىعى 92،4 كم قۇرايدى»، - دەپ تولىقتىردى تۇركسىب اۋدانىنىڭ اكىمى.

باقىتجان اقجاروۆ جاس قانات شاعىن اۋدانىن سۋمەن جابدىقتاۋ بويىنشا جسق ازىرلەنىپ، مەردىگەر انىقتالعانىن حابارلادى. جوبامەن 2650 تۇرعىن تۇراتىن 530 ءۇيدى قامتيتىن 24،7 كم جەلى سالۋ جوسپارلانۋدا. جۇمىستار 2022 جىلدىڭ ناۋرىز ايىندا باستالادى.

سونداي-اق ينجەنەرلىك جەلىلەردى اعىمداعى جوندەۋ جۇمىستارى جۇرگىزىلۋدە. وتكەن جىلى 4،4 كم سۋمەن جابدىقتاۋ جەلىسى، 2021 جىلى 700-دەن استام ءۇيدى (2 800 تۇرعىن) قامتي وتىرىپ، 6،5 كم رەكونسترۋكسيالاندى.