الماتىنىڭ تۇركسىب اۋدانىندا تۇرعىن ءۇي قورىن جاڭارتۋ ينۆەستورلار ەسەبىنەن جەدەلدەتىلدى

بۇگىندە 607 ءۇي رەنوۆاسيانى قاجەت ەتەدى

تۇركسىب اۋدانىنىڭ اكىمى باقىتجان اقجاروۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا مەگاپوليستىڭ بۇل بولىگى بىرتىندەپ ەسكى ۇيلەردەن ارىلىپ جاتقانىن مالىمدەدى، دەپ حابارلايدى Almaty-akshamy.kz.

بۇگىندە 607 ءۇي رەنوۆاسيانى قاجەت ەتەدى.

الماتىدا ەسكى ۇيلەردى بۇزۋ باعدارلاماسىنا ينۆەستورلار تارتىلدى. وسىلايشا، ونى ىسكە اسىرۋ جەدەلدەتىلەدى. بۇگىندە اۋداننىڭ كوپپاتەرلى تۇرعىن ءۇي قورى 1 209 ءۇيدى قۇرايدى، ونىڭ 50%-ى توزىعى جەتكەن ۇيلەرگە جاتادى.

«بۇل ماسەلەنى شەشۋ ءۇشىن ساۋرانبايەۆ - سپارتاك - چەرنىشيەۆسكيي - اقىنوۆ كوشەلەرىنىڭ بويىندا 13 ەسكى ەكىقاباتتى تۇرعىن ءۇيدى بۇزۋ جوسپارلانعان. اتالعان ۋچاسكەدە 856 پاتەرلى 40 بەس قاباتتى تۇرعىن ءۇيدىڭ قۇرىلىسى جوسپارلانعان. قازىرگى كەزدە ساۋرانبايەۆ، 18  كوشەسى بويىنشا 62 پاتەرگە ارنالعان 3 كوپ قاباتتى ءۇيدىڭ قۇرىلىسى اياقتالدى»، - دەدى  اۋدان اكىمى.

بۇدان باسقا، بيىل ەكىقاباتتى ءۇش ءۇي بۇزىلىپ، ولاردىڭ ورنىنا 7 بەسقاباتتى ءۇي سالىنادى، اياقتالۋ مەرزىمى – 2022 جىلدىڭ 3ء-شى توقسانى.

سەيفۋللين-كاسسين-كوتەلنيكوۆ كوشەلەرىنىڭ  كۆارتالىندا  30 سەگىز پاتەرلى ەسكى ۇيلەردى رەنوۆاسيالاۋ باستالدى. اتالعان ۋچاسكەدە 820 پاتەرلى 27 التى قاباتتى ءۇي سالىنادى. قازىرگى ۋاقىتتا 2 ءۇي پايدالانۋعا بەرىلدى، 12 ءۇي بۇزىلعان سوڭ 100 وتباسى قونىس اۋداراتىن بولادى.
 
سونداي-اق، وسيپەنكو كوشەسىندە ەكى كوپپاتەرلى تۇرعىن ءۇيدىڭ قۇرىلىسى جۇرگىزىلۋدە، نىساندى تاپسىرۋ مەرزىمى 2022 جىلدىڭ 2ء-شى توقسانى.