جول ينفراقۇرىلىمىن دامىتۋ بويىنشا بەلسەندى جۇمىس جالعاستىرىلادى.
وتكەن جىلى تۇركسىب اۋدانىندا ۇزىندىعى 22 شاقىرىم 17 كوشەگە جولداردىڭ ورتاشا جوندەۋ جۇرگىزىلگەن. بۇل جايىندا الماتى قالاسى اكىمى ە.دوسايەۆتىڭ تۇركسىب اۋدانى تۇرعىندارىمەن كەزدەسۋىندە ءمالىم بولدى، دەپ حابارلايدى اlmaty-akshamy.kz.
وسى جىلى ۇزىندىعى 44،4 شاقىرىم 36 كوشەنى جوندەۋ جوسپارلانۋدا. اعىمداعى جوندەۋ اياسىندا تاعى 40 مىڭ م2 جول توسەمىن قالپىنا كەلتىرۋ جوسپارلانۋدا.
2023 جىلدىڭ قىركۇيەك ايىندا «پاراسات» تك قاراما-قارسى رىسقۇلوۆ داڭعىلىنا جەر ءۇستى جاياۋ جۇرگىنشىلەر وتكەلى سالىندى. وسى جىلدىڭ ماۋسىم ايىنىڭ اياعىنا دەيىن ەرجانوۆ كوشەسى بويىنشا تەمىرجول وتكەلى ارقىلى جەر ءۇستى جاياۋ جۇرگىنشىلەر وتكەلىنىڭ قۇرىلىسى اياقتالادى. سونىمەن قاتار، حمەلنيسكيي كوشەسىن «قايرات» شاعىن اۋدانىنان تالعار تراكتىسىنە دەيىن ۇزارتۋ بويىنشا جسق ازىرلەنۋدە. 2024 جىلدىڭ ناۋرىز ايىندا جسق-عا مەملەكەتتىك ساراپتاما الامىز، دەيدى قالا اكىمى ەربولات دوسايەۆ.