كولىكتىك قىزمەت كورسەتۋ ساپاسىن ارتتىرۋ ماقساتىندا 2023 جىلى تۇركسىب اۋدانىنىڭ 5 جاڭا باعىتىنا ءجۇرۋ ءۇشىن 171 اۆتوبۋس ساتىپ الىندى جانە 7 مارشرۋت بويىنشا قۇرامدار جاڭارتىلدى.
وسى جىلى قۇرامدى ودان ءارى جاڭارتۋ جانە 20 مارشرۋتتى كۇشەيتۋ جوسپارلانۋدا، ونىڭ ىشىندە 5 باعىت بويىنشا 104 جاڭا اۆتوبۋستار وسى جىلدىڭ 1ء-شى توقسانىندا قاتىنايتىن بولادى. وسىلايشا 2024 جىلدىڭ سوڭىنا دەيىن سىزدەردىڭ اۋدانىڭىزعا قىزمەت كورسەتەتىن اۆتوبۋس پاركى 50%-دان استام جاڭارتىلادى، دەپ حابارلايدى اlmaty-akshamy.kz.
«قايرات» شاعىن اۋدانى تۇرعىندارىنىڭ ءوتىنىشى بويىنشا «ۆوستوك» اۆتوبۋس پاركىن «جەتىسۋ سەميرەچە» بازارىنىڭ اۋماعىنان كوشىرۋ جۇرگىزىلۋدە، ول وسى جىلدىڭ 1ء-شى توقسانىنىڭ سوڭىنا دەيىن اياقتالادى.
وتكەن جىلدان باستاپ قالادا «مەكتەپ اۆتوبۋسى» جوباسى جۇزەگە اسىرىلىپ جاتقانى وزدەرىڭىزگە ءمالىم. تۇركسىب اۋدانىندا 8 مەكتەپ اۆتوبۋسى 6 مەكتەپتىڭ وقۋشىلارىن تاسىمالدايدى. جاڭا وقۋ جىلىنىڭ باسىنان باستاپ ءبىز 10 مەكتەپتىڭ 2 مىڭنان استام وقۋشىسىن قامتۋ ءۇشىن سىزدەردىڭ اۋدانىڭىزداعى اۆتوبۋستاردىڭ سانىن 22 بىرلىككە دەيىن ارتتىرۋدى جوسپارلاپ وتىرمىز، دەدى قالا اكىمى اۋدان تۇرعىندارىمەن كەزدەسۋىندە.