ونەركاسىپ 13،3%-عا ءوسىپ، 5،5 مىڭ جاڭا جۇمىس ورنى قۇرىلادى.
تۇركسىب اۋدانىندا ەكونوميكالىق كورسەتكىشتەرى وڭ سەرپىن كورسەتۋدە. بيزنەستىڭ ىسكەرلىك بەلسەندىلىگى 24%-عا ارتتى. بۇل سالىق ءتۇسىمىن 23%-عا ۇلعايتۋعا جانە 5،5 مىڭ جاڭا تۇراقتى جۇمىس ورنىن قۇرۋعا مۇمكىندىك بەردى. بۇل تۋرالى الماتى اكىمى ەربولات دوسايەۆ الماتىنىڭ ەڭ كونە اۋدانىنىڭ تۇرعىندارىمەن كەزدەسۋ بارىسىندا اتاپ ءوتتى.
ماسەلەن، تۇرعىن ءۇيدى پايدالانۋعا بەرۋ كولەمى 2،2 ەسە (96،7 مىڭ شارشى مەتردەن 212،8 مىڭ شارشى مەترگە دەيىن)، ونەركاسىپ 13،3%-عا (357 ملرد. تەڭگەدەن 390،6 ملرد. تەڭگەگە دەيىن) جانە ينۆەستيسيالار 4،7%-عا (186،2 ملرد. تەڭگەدەن 202،2 ملرد. تەڭگەگە دەيىن) ءوستى.
ەستەرىڭىزگە سالا كەتەيىك، بىلتىر وكىلەتتىكتەردى ورتالىقسىزداندىرۋ اياسىندا تۇركسىب اۋدانىنىڭ بيۋدجەتى 5،4 ملرد.تەڭگەدەن 16،5 ملرد. تەڭگەگە دەيىن،يا عني 3 ەسەگە ۇلعايتىلدى. بۇل شارالار تۇرعىنداردىڭ وتىنىشىنە جەدەل ارەكەت ەتۋگە جانە اۋدان اكىمدىگىنىڭ دەربەستىگىن ارتتىرۋعا باعىتتالعان.