الماتى قالاسى تۇركسىب اۋدانىنىڭ اكىمى باقىتجان اقجاروۆ وڭىرلىك كوممۋنيكاسيالار قىزمەتىنىڭ بريفينگىندە مەردىگەر ۇيىمدار جول قۇرىلىسى مەن كولىك ينفراقۇرىلىمىنىڭ ساپاسىن جاقسارتقانىن ايتتى. اۋدان اكىمدىگى المەرەك، قايرات جانە نۇرشاشقان شاعىناۋداندارىندا جول قۇرىلىسىن اياقتاۋدى جوسپارلاپ وتىر، دەپ حابارلايدى almaty-akshamy.kz
باقىتجان اقجاروۆتىڭ ايتۋىنشا، قازىرگى ۋاقىتتا جول ينفراقۇرىلىمىن جاقسارتۋ بويىنشا كۇردەلى جۇمىستار جۇرگىزىلۋدە – ۇزىندىعى 50 كم بولاتىن جاڭا جولدار سالۋ جوسپارلانۋدا.
اۋداندا بارلىعى 149 كوشە جوندەلدى، ونىڭ 37ء-سى اسفالتتالدى، 26 كوشەدە جۇمىس جۇرگىزىلۋدە.
مىسالى، «قايرات» شاعىناۋدانىندا ۇزىندىعى 36،6 شاقىرىم بولاتىن 93 كوشە جوندەلەتىن بولسا، قازىرگى ۋاقىتتا 24 كوشەدە جۇمىس جۇرگىزىلۋدە. المەرەك شاعىناۋدانىندا ۇزىندىعى 20،5 شاقىرىم بولاتىن 51 كوشە جوندەلەدى، ونىڭ 12-سىندە جۇمىس جۇرگىزىلۋدە. «نۇرشاشقان» شاعىناۋدانىندا ۇزىندىعى 16،6 شاقىرىم بولاتىن 43 كوشەگە اسفالت توسەلەدى.
اۋدان اكىمى بيىل ۇزىندىعى 15،2 شاقىرىم بولاتىن 21 كوشەدە ورتاشا جوندەۋ جۇمىستارىن جۇرگىزۋدى جوسپارلاپ وتىرعانىن قوستى. 10 كوشەنىڭ جۇمىسى باستالدى: ءسۇيىنباي داڭعىلى 399، جانسۇگىروۆ كوشەسىنىڭ قيىلىسى، يۋناتوۆ كوشەسىنىڭ قيىلىسى، دەگدار كوشەسى، مايبوروديي كوشەسى، تيحوۆ كوشەسىنىڭ بۇرىشى حەتاگۋروۆ، سوبوليەۆ 168، 178، وسيپەنكو، ءسۇيىنباي 222، سۆوبودنايا كوشەسىنە شىعاتىن جولمەن، پاپانينا 55 ا. ، ب، سۆوبودنايا 146/7، جانگەلدين، زاكارپاسكايا، ايباسوۆا، وسەننيايا، ەگوروۆا، ءسۇيىنباي قيىلىسى، ءسۇيىنباي، بۇرىنداي كوشەسىنىڭ قيىلىسى، بەكماحانوۆ پەن تاراز كوشەلەرىنىڭ قيىلىسى.
سونىمەن قاتار، جەتى باعدارشام ورناتۋ جوسپارلانۋدا. بۇگىندە ولاردىڭ التاۋى بويىنشا جۇمىس جۇرگىزىلۋدە. ولار سەيفۋللين-دۋلاتوۆ داڭعىلىندا، سەيفۋللين-مولداعالييەۆ داڭعىلىندا، شەمياكين-كومينتەرندە، شەمياكين-كوجەدۋب، پاپانين-رۋستوۆەللي، جۇمابايەۆ-كاسسين، جانسۇگىروۆ-ۆەليكولۋكسكيي كوشەلەرىندە ورنالاسقان.
«شۇڭقىرلاردى جوندەۋ جۇمىستارى ەرەكشە باقىلاۋدا. جىل باسىنان بەرى اۋدان كوشەلەرىندە جوندەۋدى قاجەت ەتەتىن 245 ۋچاسكە انىقتالدى، ولاردىڭ 198ء-ى اياقتالدى، 47ء-سى جۇمىس ۇستىندە. جولشىلار جولدارداعى بۇزۋشىلىقتاردى تۇزەتىپ قانا قويماي، سونىمەن قاتار كۇن سايىن كوشەلەردە سانيتارلىق تازالىق جۇمىستارىن جۇرگىزەدى. اۋداندا جولداردى جۋۋ، قوقىس جيناۋ جانە ءشوپ شابۋ جۇمىستارىمەن ءۇش مەردىگەر اينالىسادى»، - دەيدى ب. اقجاروۆ.
سونداي-اق، اۋدان اكىمى بۇقتىرما-قۇلجا تراكتى جولايرىعىنىڭ قۇرىلىسى جالعاسىپ جاتقانىن اتاپ ءوتتى. جۇمىستى كەلەسى جىلى اياقتاۋ جوسپارلانۋدا.
ب. اقجاروۆ تۇركسىب اۋدانىنىڭ كوشەلەرى 26 مىڭنان استام جارىق نۇكتەسىمەن جارىقتاندىرىلعانىن ايتتى. بۇگىندە 614 ۋچاسكەنى جارىقتاندىرۋ بويىنشا جۇمىستار اياقتالدى، 8 463 شام ورناتىلدى، ونىڭ ىشىندە المەرەك، قايرات جانە نۇرشاشقان شاعىن اۋداندارىندا. جارىعى جوق 91 ۋچاسكە قالادى.
سونىمەن قاتار، اۋداندا جانسۇگىروۆ كوشەلەرى مەن قاپشاعاي كوپىرىنىڭ بويىندا سىرتقى جارىق جەلىلەرى جاڭارتىلدى. 2021 جىلى لاۆرەنيەۆ، بەكماحانوۆ، اقان سەرى، بۇقتىرما كوشەلەرىندەگى، قۇلجا تراكتىسىندەگى جارىق جەلىلەرى جاڭارادى.