بۇدان بۇرىن ءبىزدىڭ ەلدىڭ وليمپيادالىق كيىمى فوربس جۋرنالىنىڭ تاڭداۋىنا ىلىككەنىن حابارلاعانبىز.
ءبىر سپورتشىعا بەرىلگەن كيىمنىڭ قۇنى 355 مىڭ تەڭگەگە شىققان، دەپ حابارلايدى Almaty-akshamy.kz
بۇل اقپاراتتى جاريالاعان 31 ارنانىڭ مالىمەتىنشە، وليمپيادالىق كۇرتە – 150 مىڭ تەڭگە، كاپيۋشون – 110 مىڭ تەڭگە، شالبار 60 جانە فۋتبولكا 35 مىڭ تەڭگە. بۇكىل جيىنتىق 355 000 تەڭگەگە شىققان.
توكيوداعى وليمپيادا ويىندارىنا قاتىسقان قازاقستان قۇراماسىنا ارنايى فورما تىكتىرىلدى. ديزاينەر سالتانات بايمۇحامەدوۆا ۋاقىتتىڭ تىعىزدىعىنا بايلانىستى كيىمگە قاجەتتى ماتەريال تايۆاننان ۇشاقپەن جەتكىزىلگەنىن ايتادى. سول ءۇشىن دە فورمانىڭ باعاسى قىمباتقا شىققان. ونىڭ ۇستىنە، ءاربىر كيىم ءار سپورتشىنىڭ ولشەمىنە ساي ارنايى تىگىلگەن. ءقازىر فورمانىڭ ءبارى ساتىلىپ كەتكەن. الداعى ۋاقىتتا ارزان نۇسقاسى جاسالماق.