اۋدان تۇرعىندارىنىڭ ءوتىنىشى بويىنشا «حالىق قاتىساتىن بيۋدجەت» جوباسى اياسىندا «جۇلدىز» شاعىن اۋدانىنداعى اللەيا جاڭارتىلدى، دەپ حابارلايدى aqshamnews.kz
جوبادا جايلى دەمالىس ءۇشىن قوعامدىق كەڭىستىك قۇرۋعا بارلىق جاعدايلار قاراستىرىلعان: 25 شاعىن ساۋلەت فورماسىمەن بالالار جانە سپورت الاڭدارى، جاياۋ جۇرگىنشىلەر جولى، 60 ورىندىق پەن قوقىس جاشىگى، 114 كوشە جارىقتاندىرۋ شامدارى، جاسىل جەلەكتەردى اۆتوماتتى سۋارۋ جۇيەسى.
جاڭارتۋ جۇمىستارى قولدانىستاعى اباتتاندىرۋ نىساندارىنا دا اسەر ەتەدى – ۋچاسكەدە ورنالاسقان باسكەتبول الاڭىن تولىعىمەن قالپىنا كەلتىرۋ جوسپارلانۋدا.
بۇگىنگى تاڭدا كوگالداردى توسەۋ جانە شاعىن ساۋلەت فورمالارىن ورناتۋ جۇمىستارى جالعاسۋدا.
جۇمىستاردىڭ اياقتالۋى ۋاقىتى قىركۇيەك ايىنىڭ سوڭىنا دەيىن جوسپارلانۋدا، اعىمداعى جىلى تۇركسىب اۋدانىندا «حالىق قاتىساتىن بيۋدجەت» باعدارلاماسى بويىنشا 52 اباتتاندىرۋ جوباسى ىسكە اسىرىلۋدا.
«حالىق قاتىساتىن بيۋدجەت» جوباسى – بۇل تۇرعىندار مەن اكىمدىكتەردىڭ بىرلەسىپ، جەرگىلىكتى بيۋدجەت قاراجاتىنان جۇزەگە اسىرىلاتىن جوبا.
تۇرعىنداردىڭ وزدەرى اباتتاندىرۋ بويىنشا ۇسىنىستارىن ۇسىنىپ، جوبا دەڭگەيىنە دەيىن پىسىقتايدى، سودان كەيىن ونلاين-داۋىس بەرۋ ارقىلى جەڭىمپازدار انىقتالادى.
الماتى قالاسىنىڭ اكىمى ەربولات دوسايەۆتىڭ تاپسىرماسىمەن بيىل وسى باعدارلاما بويىنشا قارجىلاندىرۋ كولەمى 2 ملرد تەڭگەگە دەيىن ۇلعايتىلدى.
