تۇركسىب اۋدانىندا «حالىق قاتىساتىن بيۋدجەت» اياسىندا بيىل 800 ملن. تەڭگەگە 28 جوبا ورىندالۋدا، دەدى الماتى قالاسىنىڭ اكىمى ە.ا. دوسايەۆ تۇركسىب اۋدانىنىڭ تۇرعىندارىمەن كەزدەسۋىندە.
بۇگىندە 11 جوبا ىسكە قوسىلدى، قالعاندارى وسى جىلدىڭ قازان ايىنىڭ سوڭىنا دەيىن اياقتالادى. جوبالاردى ىسكە اسىرۋ اياسىندا بالالار، سپورت جانە workout الاڭدارىن سالۋ، قاراسۋ وزەنىنىڭ بويىندا سەرۋەندەۋ ايماعىن (500 م)، 1 شاقىرىم جاياۋ جۇرگىنشى جولىن رەكونسترۋكسيالاۋ كوزدەلگەن.
«حالىق قاتىساتىن بيۋدجەت» جوباسىن جالعاستىرۋ ءۇشىن بۇگىنگى كۇنى اۋداندا 2023 جىلعا 164 ءوتىنىم كەلىپ ءتۇستى. رەكرەاسيالىق ايماقتاردى قۇرۋ ماقساتىندا وسى جىلدىڭ قازان ايىندا «اسپان» پاركىن اباتتاندىرۋ، ماياك توعايىن كۇردەلى جوندەۋ اياقتالادى. سونداي-اق، 2022 جىلدىڭ سوڭىنا دەيىن مولداعالييەۆ جانە چەحوۆ كوشەلەرىندەگى تاعى ءبىر سەرۋەندەۋ ايماعىن اباتتاندىرۋ جوسپارلانعان. اۋەجاي پاركىن رەكونسترۋكسيالاۋ 2023 جىلدىڭ مامىر ايىندا اياقتالادى.