تۇركسىب اۋدانىندا ەكى جەرۇستى وتكەلى سالىنادى

كولىك جانە جول ينفراقۇرىلىمىن جاقسارتۋ جۇمىستارى جالعاسۋدا.

"ونىڭ قۇرىلىسى 2023 جىلعى مامىردا باستالادى"، - دەدى بۇگىن اۋدان تۇرعىندارىمەن كەزدەسكەن الماتى اكىمى، دەپ حابارلايدى Almaty-akshamy.kz

1) اۋدان تۇرعىندارىنىڭ ءوتىنىشى بويىنشا №13 اۆتوبۋس مارشرۋتى سپاسسكايا كوشەسىندەگى 77 ۇيگە دەيىن جانە №215 اۆتوبۋس مارشرۋتى «شۋاقتى» شاعىناۋدانىنا دەيىن ۇزارتىلدى. سونداي-اق، «قايرات» شاعىناۋدانىنا كىرىپ-شىعۋ ارقىلى №138 اۆتوبۋس مارشرۋتىنىڭ سحەماسى وزگەردى.

2)  جولداعى قاۋىپسىزدىكتى قامتاماسىز ەتۋ ماقساتىندا  ءسۇيىنباي داڭعىلىنا  رەتتەلەتىن 4 جاياۋ جۇرگىنشىلەر وتكەلى ورناتىلدى. تۇرعىنداردىڭ ءوتىنىشى بويىنشا 70ء-شى رازەزدەگى باعدارشام اۋىستىرىلدى.
تۇرعىنداردىڭ قاۋىپسىزدىگى مەن جايلىلىعى ءۇشىن 9 كوشەگە 7 كم تروتۋار سالىندى.

انىقتاما ءۇشىن: سەيفۋللين داڭعىلى، اقان سەرى، دونەنتايەۆ، زاكارپاتسكايا، لاۆرەنيەۆ، مايلين، نامانگانسكايا، وستروۋموۆ، پاپانين كوشەلەرى.

بيىلعى جىلدىڭ جەلتوقسان ايىندا «پاراسات» تك جانىنداعى رىسقۇلوۆ داڭعىلى مەن ەرجانوۆ كوشەسىندەگى تەمىرجول ارقىلى شاتسكيي كوشەسىنە ەكى جەرۇستى وتكەلىن جوبالاۋ اياقتالادى. قۇرىلىسى 2023 جىلعى مامىردا باستالادى.

«مەنىڭ تاپسىرمام بويىنشا ءسۇيىنباي داڭعىلى مەن مايلين كوشەسىندەگى جاياۋ جۇرگىنشىلەردىڭ جەرۇستى وتكەلدەرىندەگى كوتەرگىش قۇرىلعىلاردى قالپىنا كەلتىرۋ ءۇشىن بيۋدجەتتەن قوسىمشا قاراجات ءبولىندى. جۇمىستار وسى جىلدىڭ قاراشا ايىنىڭ سوڭىندا اياقتالادى»، - دەدى قالا باسشىسى.