بيىل تۇركسىب اۋدانىنداعى ءۇش مىڭعا جۋىق قالا تۇرعىنى ورتالىق سۋمەن جابدىقتالادى.
مۇنى اۋدان تۇرعىندارىمەن كەزدەسۋدە قالا اكىمى ەربولات دوسايەۆ ايتتى، دەپ حابارلايدى Almaty-akshamy.kz.
ءۇش شاعىناۋداندا جانە اۋدان كوشەلەرىنىڭ بىرىندە 138،2 شاقىرىم سۋ قۇبىرى جانە كارىز جەلىلەرى تارتىلىپ جاتىر. بۇگىندە 62،2 شاقىرىم جەلى سالىندى. جىل سوڭىنا دەيىن تاعى 22،7 شاقىرىم جەلى ىسكە قوسىلادى. بيىل "شۋاقتى" جانە "جاس قانات" شاعىناۋداندارىنداعى 2،7 مىڭ تۇرعىن، سونىمەن قاتار زاكارپاتسكايا كوشەسى ورتالىقتاندىرىلعان سۋمەن جابدىقتالىپ، كارىز جۇيەسىنە قوسىلادى.
"تومەنگى بەسجىلدىق" شاعىناۋدانىنداعى جەلىلەر قۇرىلىسى كەلەسى جىلى اياقتالادى. بۇگىندە بۇل جۇمىس 40%-عا ورىندالدى، 98،4 شاقىرىمنىڭ 40 شاقىرىم جەلىسى سالىندى. وسىلايشا، كەلەسى جىلى "تومەنگى بەسجىلدىق" شاعىناۋدانىنىڭ 4،1 مىڭ تۇرعىنى قالالىق جەلىلەرگە قوسىلادى.
"المەرەك"، "قايرات"، "ماياك" شاعىناۋداندارى ءۇشىن 55،8 شاقىرىم جەلى، ونىڭ ىشىندە 30،7 شاقىرىم سۋمەن جابدىقتاۋ جانە 25،1 شاقىرىم كارىز جەلىلەرىنىڭ قۇرىلىسىنا جسق ازىرلەندى. قۇرىلىس 2023 جىلدىڭ II توقسانىندا باستالادى.
وتىنىشتەردى ەسكەرە وتىرىپ، الدىڭعى كەزدەسۋ بارىسىندا ورتالىق سۋ بۇرۋ جەلىلەرىمەن قامتىلماعان اۋداننىڭ 7 ۋچاسكەسى (9،5 مىڭ ءۇي) تەكسەرىلدى. 2023 جىلى كارىز جەلىلەرىن سالۋعا جسق ازىرلەنەدى.