جاس قانات شاعىن اۋدانىندا دامۋ جانە شىعارماشىلىق ورتالىعىنىڭ قۇرىلىسى باستالادى – ەربولات دوسايەۆ
الماتى تەلەكوممۋنيكاسيا جانە ماشينا جاساۋ كوللەدجىنىڭ جاڭا عيماراتى 2025 جىلدىڭ سوڭىنا دەيىن سالىنىپ بىتەدى
الماتى اكىمدىگى تۇركسىب اۋدانىندا ءبىلىم بەرۋ ينفراقۇرىلىمىن دامىتۋ جۇمىسىن بەلسەندى تۇردە جالعاستىرىپ جاتىر. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە ايتتى.
ونىڭ ايتۋىنشا، وقۋشى ورىندارىنىڭ تاپشىلىعىن ازايتۋ ماقساتىندا 2024 جىلدىڭ قاراشا ايىندا №59 مەكتەپ-گيمنازياسىنىڭ 300 ورىندىق قوسالقى عيماراتىنىڭ قۇرىلىسى مەن سەيسميكالىق كۇشەيتە وتىرىپ كۇردەلى جوندەۋ جۇمىستارى اياقتالدى. وسىدان كەيىن چەرنىشيەۆسكيي كوشەسىندەگى فيليالىنىڭ رەكونسترۋكسياسى باستالىپ، ونى بيىلعى تامىز ايىندا اياقتاۋ جوسپارلانعان.
سونىمەن قاتار، بيىلعى اقپان ايىندا №195 مەكتەپكە 450 ورىندىق قوسالقى عيماراتتىڭ قۇرىلىسى اياقتالدى، ال وتكەن جىلى №83 گيمنازيا فيليالى قايتا جاڭعىرتۋدان ءوتتى.
بيىل جىل سوڭىنا دەيىن №50 مەكتەپتە سەيسميكالىق كۇشەيتۋ ارقىلى كۇردەلى جوندەۋ جۇمىستارى اياقتالادى.
بۇدان بولەك، ءتورت جوبا بويىنشا جوبالىق-سمەتالىق قۇجاتتاما ازىرلەنىپ جاتىر: №198 مەكتەپكە 600 ورىندىق قوسالقى عيمارات سالۋ، №142 مەكتەپتى قايتا جاڭعىرتۋ، №78 مەكتەپكە 450 ورىندىق قوسالقى عيمارات سالىپ، كۇردەلى جوندەۋ جۇرگىزۋ جانە №170 مەكتەپتىڭ ەسكى عيماراتىن بۇزىپ، جاڭا قوسالقى عيمارات سالۋ.
ۇلتتىق «جايلى مەكتەپ» جوباسى اياسىندا، قالا اكىمدىگىنىڭ جوبالىق كەڭسەسىنىڭ قولداۋىمەن بيىل تۇركسىب اۋدانىندا 6100 ورىندىق ءتورت جاڭا مەكتەپتىڭ قۇرىلىسى اياقتالادى دەپ بولجانىپ وتىر.
ايتا كەتەيىك، جالپى الماتى قالاسى بويىنشا 35،7 مىڭ وقۋشى ورنىنا ارنالعان 21 جايلى مەكتەپ جانە 2750 ورىنعا جەتى قوسالقى عيمارات سالۋ جوسپارلانعان.
سونىمەن قاتار، تۇركسىب اۋدانىندا مەكتەپكە دەيىنگى ۇيىمداردا ورىن تاپشىلىعىن ازايتۋ جۇمىستارى جالعاسىپ جاتىر. وتكەن جىلدىڭ تامىز ايىندا №70 مامانداندىرىلعان بوبەكجاي-باقشاسىنا سەيسميكالىق كۇشەيتۋ ارقىلى كۇردەلى جوندەۋ جۇرگىزىلىپ، جۇمىستار اياقتالدى.
بيىلعى ءساۋىر ايىنىڭ سوڭىنا دەيىن قايرات شاعىن اۋدانىنداعى 260 ورىندىق №192 بالاباقشانىڭ قۇرىلىسىن اياقتاۋ ءۇشىن مەردىگەر انىقتالماق.
2025 جىلدىڭ قازان ايىندا مەملەكەتتىك ساراپتامانىڭ قورىتىندىسى الىنعاننان كەيىن المەرەك شاعىن اۋدانىندا 320 ورىندىق جاڭا بالاباقشا جانە التاي-1 شاعىن اۋدانىنداعى №119 بوبەكجاي-باقشاسىن قايتا جاڭعىرتۋ جۇمىستارى باستالادى. بۇل جۇمىستار كەلەسى جىلدىڭ ءۇشىنشى توقسانىندا اياقتالادى.
بيىل مامىردا جاس قانات شاعىن اۋدانىندا دامۋ جانە شىعارماشىلىق ورتالىعىنىڭ قۇرىلىسى باستالادى. قۇرىلىس 2026 جىلدىڭ ماۋسىم ايىندا اياقتالادى دەپ جوسپارلانىپ وتىر.
سونىمەن قاتار، 2025 جىلدىڭ سوڭىنا دەيىن الماتى تەلەكوممۋنيكاسيا جانە ماشينا جاساۋ كوللەدجىنىڭ جاڭا وقۋ عيماراتى مەن جاتاقحاناسىنىڭ قۇرىلىسى تولىق اياقتالادى، دەپ ءسوزىن تۇيىندەدى الماتى اكىمى.